Tolîn Muhemed

 

ŞEHBA - Cinîyê Ciwanî ê Efrînijî hêrişê dewleta Tirkan serê qezaya Şêrawa û dewanê Şehbayî şermezar kerdî û vatî: "Do hêrişê dişmin qetî îrade û hêzê ciwanan nêşikno, ma do bi nê îradeyî Efrîn xelas bikerê."

 

Dewleta Tirkan her roj hêrişê qezaya Şêrewa û dewanê Şehbayî yê mintiqaya Efrînî kena. Cinîyê Ciwanî ê Efrînî ke seba kerdişê dewleta Tirkan Şehba de bi ca bî şîroveyê xo bi ajansê ma rê pare kerdî.

 

'Qetî dişmin nêeşkeno îradeyê cinîyê ciwanan bişikno'

 

Hêva Elîye wina va: "Ma sey cinîyê ciwanî vera hêrişê dewleta Tirkê dagirker ke bi şîdet hêrişê qezaya Şêrewa û dewanê Kantonê Şehbayî keno, vindenê. Zihnîyetê ke cinîyê ciwanan hedef gêno, ê do qetî nêresê amancê xo yê lêşin. Wa dişmin nêfikrîyo do cinîyê ciwan ke xêrê fikr û felsefeyê Serek Apo meşnenê, bieşkê bidê vindernayîş. Qetî dişmin nêeşkeno îradeyê cinîyê ciwanan bişiknê."

 

'Amancê Tirkîya şarê Kurdan çin bikero'

 

Sîdar Memo hêrişê dewleta Tirkan serê qezaya Şêrewa û dewanê Şehbayî şermezar kerde û va: "Amancê Erdoganî dewanê kantonê Şehbayî dagir bikero nîyo, amancê ey şarê kurd o. Her wext Kurdî qirkerdişan ra derbaz benê û Efrîn de no tewr zêde eşkera bi, la ma sey cinîyê ciwanan soz danê ke heta peynî vera hêrişan vinderê, Efrîn xelas bikerê."

 

'Do bi xoverdayîş Efrîn xelas bibo'

 

Dîyala Ebdê zî wina va: "Dewleta Tirkîye hêrişê qezaya Şêrewa û dewê kantonê Şehbayî kena, hêrişan de cinîyêke ciwane hedef amî girewtiş. La ma sey ciwanê Efrînî cewabêke danê dişmin ke qetî tehdîd û hêrişê înan îradeyê ma nêşikno. Sey şarê kurd bi taybet cinîyê ciwanî wayîrê îrade yê û qetî fek xoverdayîşê xo ra vera nêdanê û seba xelaskerdişê Efrînî şer bikerê."