MEXMÛR - Cinîyê Wargehê Multecîyan ê Şehîd Rûstem Cûdî (Mexmûr) serê weçînayîşê mintiqa yê vakurê Kurdistanî ke do 31ê Adare de bêro kerdene de şîrove kerdî.

 

Cinîyê Wargehê Multecîyan ê Şehîd Rûstem Cûdî (Mexmûr) serê weçînayîşê mintiqa yê vakurê Kurdistanî ke do 31ê Adare de bêro kerdene de şîrove kerdî û vatî: "Partîya ma rumeta ma ya."

 

'Partîya ke azadî bîyara Tirkîye HDP ya' 

 

Dayîka bi nameyê Hedîye Atalaya ke mintiqaya Colemêrgî r aya wina va: "Vengdayîşê mi seba heme şarê Kurdî yê vakurê Kurdistanî o yo ke no weçînayîş sey weçînayîşê bînî nêbo, seba ke no weçînayîş seba ma zaf girîng o. Ganî herkes wayîrê wijdanê xo vejîyo. Tewr zêde vengdayîşê mi seba cinîyanê Colmergî rê yo ke çend serî yo ma multecîyê, ganî seba azadîya şarê Kurdî sindoqanê xo, îradeyê xo û HDPî rê wayîr vejîyê. Partîya ke azadî bîyara Tirkîya HDP ya."

 

'Vernîya ma de weçînayîşêke tarîxî esto' 

 

Cinîya ciwan a bi nameyê Mizgîn Soydane ke mintiqaya Geverî ra ya wina va: "Destpêk de ez selamanê xo heme şarê Kurdî rê eşrawena. Vernîya ma de weçînayîşê mintiqa ke seba ma tarîxî yo esto. Vengdayîşê mi heme şarê Kurdî ra ke rûmetê xo, tarîxê xo rê wayîr vejîyê. Dewleta Tirkî zaf teda û şîdet serê Kurdan de daya meşnayîş. Vengdayîşê mi bi taybet şarê Geverî rê ke qirkerdişê dewleta tirkan serê hemwelatîyê Geverî de dayê meşnayîş xo vîr ra nêkerê. Weçînayîş de wayîrê partîya xo HDP rê wayîr vejîyê û serê sindoqan de baş vinderê ke rayê înan nêrê diznayîş. Ganî şarê bi rumet ke azadîya wazenê ganî raya xo bidê azadîye, têduştî, demokrasî û vengê xo bidê partîya şaran HDPyî."