ÎDIR - Qezayê Tozan û Başanî yê Îdirî de polîsan eşt serê keyeyanê endam û rayîrberanê DBP û HDPyî ser. 

 

Polîsan Hemsereka DBPyî ya Îdirî Şemam Kalkane zî tede xeylê kesan tepiştî Polîs û leşkeran saetanê serê sibayî de qezayê Tozan û Başanî yê Îdirî de eştî serê keyeyanê endam û rayîrberanê Partîya Herêmê Demokratîkî (DBP) û Partîya Demokratîke ya Şaran (HDP) ser. Polîs û leşkeran Hemsereka DBPyî ya Îdirî Şemam Kalkane zî tede xeylê kesan tepiştî. Polîsan kesê ke tepiştî berdî Fermandarîya Cendirmeyan ya Îdirî. Sebebê tepiştişê endam rayîrberan nêame zanayene. 

 

Nameyê kesê ke ameyî tepiştene wina yî: “Hemsereka DBPyî ya Îdirî Şemam Kalkan, Rayîrberê HDPyî Kemal Kum, Nuri Îrkin, Ahmet Karaca, Abdullah Tosun, Neşe Gul Can, Alîcan Celayir, Endamê Meclîsê Pêroyî yê Îdirî yê HDPyî Mehmet Siddik Kirang û Halis Guneyî.