EDÎRNE - Adem Aslano ke Zindanê Tîpê F yê Edîrneyî dest bi çalakîya grevê vêşanîye kerdib roja 81ê de ame zanayîş ke hucre de yeno girewtiş, Aslan Ramazan û Zerdeşt Akino ke roja 89in çalakîye de zî hucre de yenê girewtiş û vîtamînê B nêdanê înan.

 

Çalakîya grevê vêşanîye ya Parlamentera HDPî ya Colemêrgî û Hemsereka KCDî Leyla Guvene ke bi amancê wedartişê tecrîdê ser Rayberê PKKî Abdullah Ocalan wirzo da destpêkerdiş roja 128in de dewam keno. Dimayê Leylaye çalakî zindanan de vila bibî zî dewam kenê. Eynî wextî de hepsîyê ke grev de yê zî rastê îhlalkerdişê heqan, surgun û cezayê dîsîplînî yenê.

 

Vîtamanê B nêdanê

 

Adem Arslano ke Zindanê Tîpê F yê Edîrneyî de grev de yo, mektubêke keye ra şiwatî û îhlalkerdişê heqan qalî kerd. Ame dîyarkerdene ke Aslan Ramazan û Zerdestş Akino ke roja 89in de grev de yê hucreyan de yenî tepiştene, vîtamînê B û rojname nêdanê înan.

 

Ademî mektube xo de wina va: "Merhaba, selam û rêzdarîyê xo eşrawena. Ez bi coş xoverdayîş, bi hesret û bêrîkerdişê şima ko kena. Omîd kena ke rewşa şima baş a. Ez zî, ma zî baş ê. Ma prosesêke tarîxî ra derbaz benê. Wexto ke merdim heqîqetê tarîxî ewnîyeno, her wext heqîqet dinya de fikr û manaya merdiman nîşan dano. Merdim wina asan nêbîyo. Her wext cigêrayîşêke de bîyê.

 

Zana, pêxamber, fîlozof û rayberî kerdê. Bi mesaj û têkoşînê ke dayî heta ewroa ameyê. Îbrahîmî put şikna û bawerîyêke newe pêşkêş kerd. Zerdeşt, Îsa, Musa û Muhammed her wext eynî mesaj dayê. Her kesî wextê xo de rûmet û bîyayîşê merdimî pawitê û tu hêz vera tedayyê merdiman de bêveng nêmendo. Belê rastîya ke roja ma ya ewro de yena ciwîyayîş zî heqîqet a. Her şar her komel wina ameyo na roje. Tena ma 40 serrê peyînan biewnê, ma vînenê ke vera teda û şîdetî sere nêameyo tewênayîş. Bê hesapkerdene û çinbîyaye yê mîlyonana mumkun nîyo. Do têduştîya şarê Kurd û Tirkan bi ca bêro. Seba no bi ca nêro zaf hewl dayî. Bi nê hîs û ewnîyayîşan ma şarê xo rê xeyalê aştîye kenê û do azadîye biqîrê. Bi omîdê ma rojê weş de bêrê têhet, selam û heskerdişê xo eşrawenê."