AMED - Awanîya HDPyî ya Amedî de bi tewrbîyayîşê parlamentera HDPyî ya Amedî Dersîm Dage 6 kesan grevê vêşanîye dîya destpêkerdiş. 8 Adare de zî bi tewrbîyayîşê parlamenterê HDPyî Tayip Temel û Murat Sarisaç û 2 hemwelatîyî zî tewrê grevî bîyî. Polîsan heta nika 3 reyan eştî serê awanîya HDPyî. Polîsan sereştişê reya 3. de 3 çalakgeran tepiştî.

 

Grevê vêşanîye yo ke semedê wedartişê tecrîdê serê Rayberê PKKyî Abdullah Ocalanî banê HDP’yî yê Amedî de yeno viraştene, reya hîrêyîne polîsan eşt ser û 3 çalakwanî destbend kerdî.

 

Banê Partîya Demokratîke ya Şaran (HDP) ya Amedî de grevê vêşanîye yo ke semedê wedartişê tecrîdê serê Rayberê PKKyî Abdullah Ocalanî hetê parlamenter Dersîm Dage, Tayîp Temel û Mûrat Sarisaç û endamanê partîye Sevîcan Yaşare, Salîh Cansever, Îsmet Yildiz, Salîh Tekîn, Bîlal Ozgezer, Abdulhalîk Kurt û Yusuf ateşî ra yena domanyene, rixmê heme hêrişanê polîsan dewam keno. 7 çalakwanê ke ameyîbî destbendkerdene înan ra 4 kesî ameyîbî tewqîfkerdene. Sereştişê 8ê Adare ra dima çalakwanî Abdulhalik Kurt, Yusuf Ateş û Salîh Canser ê ke serbest ameyîbî veradayene û çalakîya xo domnayene ewro sereştişê hîrêyîn ê polîsan de reyna ameyî destbendkerdene.