AMED - Xoverdayîşê grevê vêşanîye yê bêdem û anêgêrayîşî yê Hemsereka KCDyî û Parlementera HDPyî Leyla Guvena ke seba wedarnayîşê tecrîdê serê Rayberê PKKyî Abdullah Ocalanî dabî dest pêkerdiş roja 126ine de dewam keno. Sewbîna çalakîyê grevê vêşanîye ke zindanan û cayanê cîya-cîyayan de seba eynî waştişan dest pêkerdbî zî bi qerardarî dewam kenî.   

 

Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 126in de dewam kena. Leylaye 8ê Teşrîna Peyêne de Zindanê Amedî de dest bi grevê vêşanîye kerde û badê ke 25ê Çele de serbest ameye veradayene keyeyê xo de çalakîya xo dewam kena.  

 

Çalakîya hepsîyan dewam kena

 

 Dimayê Leylaye Mintiqaya Federalê Kurdistanî çalakîya Temsîlkarê HDPyî Nasir Yagizî roja 113an de, Strasbourg de 14 kes û Gallerî de Îmam Şîş roja 87ine de yê. Hepsîyê ke 16ê Çele de çalakî dest pêkerdî roja 88yan de dewam kenê. Heto bîn ra çalakîya hepsîyê PKKyî û PAJKî ke 1 Adare de dest pêkerdî roja 13an de dewam kenê.  

 

'Na çalakîye bîya wesîleya yewîya Şarê Kurdî'

 

Vizîr heyetêke Endamê Heyetê Îdareyê Akademîya Sîyasî ya Mintiqaya Federalê Kurdistan, Dr. Hekîm Ebdulkerîm û Şoreş Xidir, Endamê Platformê Hewramî Hîlal Şewket, Endamê Heyetê Îdareyê Partîya Kedkar, Baxtiyar Mustafa, vizîr şî keyeyê Leylaye û serdayîşê aye kerdî. Leylaya ke heyetî rê qisey kerde û va: "Şoriş bêbedel nêbeno. Na çalakî bîya wesîleya yewîya neteweyîya şarê Kurd. Embaz Nasir rê baldar bê."

 

Endamê HDPyî hepsî çalakîya xo dewam kenê

 

Parlamentera HDPyî Dêrsim Dag û endamê HDPyî Salîh Cansever, Îsmaîl Yildiz, Sevîcan Yaşar, Salîh Tekîn û Bîlal Ozgezen ke 3yê Adare de awanîya HDPyî ya Amedî de çalakîya ke dayî destpêkerdiş, 8ê Adare de parlamenterê Wanî yê HDPî Tayyîp Temel û Murat Sarisaç û endamê HDPyî Abdulhalik Kurt û Yusuf Ataş zî beşdar bî. Dimayê ke 8ê Adare de eştî serê awanî endamê HDPyî 4 ci ra ameyî tepiştiş, 3 serbest ameyî veradayîş. Ame dîyarkerdiş ke HDPyî ke ameyê tepiştiş çalakîya xo dewam kenê.

 

Kesê ke tahlîye bî çalakîya xo dewam kenê 

 

Sedat Akino ke hepisxaneyê Erzîcanî de Tîpê T  de dest bi grev kerdib dimayê ke ame tehliyekerdiş çalakîya xo keye de roja 57ine de dewam keno. Gurbet Ektirena ke 15ê çele de dest bi çalakîya grevî kerde û amî tahlîyekerdene zî 8ê Adare de çalakîya xo keyeyê xo Dêrikê Mêrdînî de dewam kena.