ŞIRNEX - Hacer Yîgîta ke wextê qedexeyê Cizîrî de xeylê merdimê aye birîndar bî û 3 lajê aye ameyî tepiştiş û wina va: "Cizîr sere nêtewêna, do qetî sere nêtewênê. Ma bedel da. 40 domanê mi bibê, domanê mi bibê ez do bi 40 domanê xo dir têkoşîn bikerî."

 

Cizîr de hîrê serrî verê qedexeyê tebervejîyayîşê kuçeyan ame îlankerdiş û bi aşman binê abluqa de mend. Tedayê vera Cizîrî hîna dewam kenê. Hacer Yîgîte reaksîyon nîşanê çîyê ke ameyê kerdene da û va her roje bi xeberê tewqîfkerdişan û tepiştişan şîyar benê û va îradeyê xo yê binê tanq û topan de teslîm nêkerdê do nika zî teslîm nêkerê.

 

'Pêwa her çî ma fek vera nêda'

 

Hacere da zanayîş ke wextê qedexeyî de keyeyê xo yê Taxa Yafesî ra nêvejîyaya û bi rojan vêşan mendê. Hacere arde ziwan ke tornê aye û xeylê merdimê aye birîndar bîyê, 3 lajê aye cezayê hepsî girewtê. Hacere wina va: "Qedexe ra dima çîyê ke nêmend ame sereyê ma. Ma vêşan, teyşan, heqaret û her çî dî. Ma tanq, top û merdiş dî. Pêwa nê ma fek dewaya xo û kulturê xo vera nêda. Hende çî bi la hîna ma Kurd ê. Ma do heta merdiş zî vera dewlete nêtewênê. Ma bedel da. 40 domanê mi bibê ez do bi 40 domananê xo dir têkoşîn bikerî."

 

'Ma çîyê ke ameyî sereyê ma xo vîr ra nêkenê'

 

Hacere wina va: "Ma tepişnenê, îşkence kenê. Ewro zî eynî çî kenê. Lajanê mi tepişnayê. Merdimê mi qedexe de birîndar bîyê. Her roje teda yenê kerdiş. Ma nê rojan xo vîr ra nêkenê. Qiyamete zî wirzo ma do xo vîr ra nêkerî. Çîyê ke dewlete kerdê nînê xovîrakerdene. Kurdan ra tersenê. Şarê Kurdî qetî fek kulturê xo ra vera nêdanî. Ma do heta merdiş fek kulturê xo ra vera nêdê."

 

Hacere tewr peyîn qiseykerdişê xo de da zanayîş ke qedexeyî de tu kes mîyanê înan de çinbi, heme şar bi û va: "Vera şarî bî dişmin. Cizîr sere nêtewêna. Do qetî zî sere nêtewêno. Ma verê ra tewr xurt ê. Ma bi îradeyê. Qedexe serê ma ra derbaz bi ma xurt bî û ma nê ferq kerd."