ÎZMÎR - Avûkat Nazan Sakalliye dîyar kerde ke kargerîyê cinî sey hêzê kar ê erjan yeno vînayene û ewnîyayîşê ke cayê camêrdan girewto, tewr zêde beno sebebê mobbîngî û va: "Cinîya ke cayê kar ra yena qutkerdiş cuya komelî ra zî yena îzolekerdene. Ganî sey her wareyê têkoşînî vera mobbîngî zî rêxistinî bibo."

 

Mobbîng ke cayê kar sey şîdetê psîkolojîk, teda û pelçiqnayîş yeno binamekerdene, tewr zêde cinî ci ra tesîr benê. Mobîng yeno manaya cayê kar de tecrîdkerdişê kesî. Avûkata Sendîkaya Kedkaran a Xizmetê Îdarekera Mintiqa û Şaredarîyan (TUM BEL-SEN) Nazan Sakalliye va vînayîşê cinîyan ê sey hêzê kar ê erjan û şima cayê camêrdan girewto beno sebebê mobbîngî.

 

'Endîşeyê patronan hêzê karî ra, Kâr bikerê yo'

 

Nazane da zanayîş ke mobbîng seba sebebê sey ewnîyayîşê sîyasî, nasnameyê zayendî, emr û etnîk yeno kerdene û wina va: "Karsaz seba zewacê cinîyan, diganebîyaye, welidnayîş eşkeno tazmînat nêdo. Dewayê derheqê cinîyan de tewr zêde tacîzê zayendî û îstîsmarî yo. Xêrcê nê caardişê hêzê fîzîk û tehdîd zî esto."

 

'Qanûnê karî de nîno vatiş'

 

Nazane arde ziwan ke qanûnan de derheqê mobbîngî de sererastkerdişêke çin o û tena pêroyînameyê serekî yê tarîxê verê de babeta tedbîrê vera mobbîngî de îqazkerdiş ca gêno û va: "Qanûnê Kar û Qanûnê Hûmara 657an de derheqê  kedkarê îstîmlakkerdişî de mobbîng nîno qalîkerdene. Ewnîyayîşê ke cinî cayê camêrdan teng kena esto. Prosesê ke rêsenê întîhar yenê cuyayîş. Cinî camêrdan ra tewr zêde probleman cuyenê. Cinî vera ke têkoşîn bikerê, tercîhê xo hetê vejîyayîşê kar kenê. Cinîyan sey zêdebîyayîş vînenê. Nê empozeyê înan kenê. Seba cinîyan cuya komelî, teberê keyeyî bi cayê kar mumkun o. Wexto ke kar ra gênê zî mahkumê keyeyî kenê, cuya komelî rê îzole kenê."

 

'Têkoşînê rêxistinkerde lazim o'

 

Nazane tewr peyîn qiseykerdişê xo de da zanayîş ke ganî cinî her ware de, vera mobbîngî zî rêxistinkerde bê û zaf girîng o ke cinî rêxistinê cinîyan û sendîkayan de xo bi rêxistin bikerê û va ê do cinîyan tewr zêde xurt bidê hîskerdiş.