WAN - Zuleyha Guluma HDPyije dîyar kerde ke îqtîdar grevê vêşanî nêvîneno û ganî fek nê vindertişşê xo ra fek vera bido û vernîya pêvînayîşî abikero. Zuleyhaye va: "Îqtîdar xoverdayîşê ke vera tecrîdî yeno kerdene nêvîneno. La ganî nê baş bizanê, do bi nê vindertişî nêresê cayêke. Eke  welatî merdimî waştişê aştî, edalet û têduştî bikerê hukmat goş bido."

 

Parlamentera HDPyî ya Stenbolî Zuleyha Gulume derheqê grevê vêşanîye de şîrove kerde. Zuleyhaye da zanayîş ke çalakgerê grevê vêşanîye seba aştî, azadî û demokrasî bedenê xo dayî verê mergî.

 

Zuleyhaye wina va: "Leyla Guvene seba bêpeynîkerdişê tecrîdî nê xoverdayîşî da destpêkerdiş. Seba ke heta tecrîdê Îmralî peynî nêbo, no welat de do aştî nêro meydan. Cayê aştî çinbo demokrasî zî mumkun nîyo. Tirkîye de krîzêke ekonomîk ê cidî esto. Merdimî cuya rojane de tersenê ke îqtîdar rexne bikerê. Seba ke zaf teda serê şarî de esto."

 

'Tecrîd her ca de yo'

 

Zuleyhaye ard ziwan ke esas de her cayê Tirkîya de polîtîkayê tecrîdî yeno meşnayîş û va tecrîd keye, kuçe û kargerîyan de yo û wina va: "Embazê ma vanê wa no welatî de aştî û azadî bibo. Vanê wa vernîya têduştî, edalet, demokrasî û azadî cinîyan bêro akerdene. Coka ma veng bidê vengê embazanê xo. Hetê huqûq de zî tecrîd nîno qebulkerdene. Tecrîd skandalêke huqûqî yo. Ganî huqûq bi ca bîyarê û pêvînayîş dest pê bikerê."