COLEMÊRG - Colemêrg de verê weçînayîşê mintiqa yê 31ê Adare komiro bêkalîte ke hetê AKPyî ra yeno vilakerdene, hem xoza û hem zî weşîye şarî tehdîd keno.

 

Colemêrg de verê weçînayîşê mintiqa, AKPyî ‘sîyasetê komir û meqerne' kerd dewre û bi hemkarîya keyeyan komir vila kerd. La seba bêkalîtebîyayîşî komirî hewayê bajarî lêşin bi. Şar zî vera nê bi reaksîyon o.

 

'Feqîrîyê şarî ra feyde gênê'

 

Hasîbe Çîvîya 63 serrî dîyar kerde ke her kesê ke seba ‘komirê hetkarî' bigîrê nameyê xo nuştî û nuniştê, komirê bêkalîte yeno ferzkerdene. Hasîbeye wina va: "Ez seba nêweşîya astimî, dumanêke qij de ez acis bena. Colemêrg bajarêke qij o. Seba krîzê ekonomî esto merdim nêeşkeno komirêke baş bigîro. Coka merdimî mecbur manenê komir bixebitnê. No komir zî hewayê bajarê ma lêşin keno."

 

'Seba lêşinî nêweşîya mi aver şî'

 

Hasîbeye da zanayîş ke seba komirê bêkalîte siba û şan de her ca beno duman û wina va: "Hewayê lêşin weşîya ma xira kerd. Coka nêweşîya mi aver şî. No semed ra hewa ra tewr zêde bi tesîr benê extîyar û doman ê. Merdîmî seba nê dumanî nêweşîyê sey astim, bronşît û heta rîşa merdimwere konê. Ma Colemêrg de komirê hetkarî nêwazenê. Wa destê xo hewayê ma ra biancê."

 

'Ganî komirê bêkalîte bêro qedexekerdene'

 

Zana Îhtîyata 23 serrî zî seba ke krîzê ekonomî şar mecbur maneno nê komirî bixebitnê û va: "Colemêrg de bi serran o problemê lêşinî dewam keno. Colemêrg de seba berardiş û kar çin o, hûmara betalî zêde ya. Merdimî mecbur nê komiran xebitneno. Komiro ke ameyo vilakerdene zaf lêşin o. Dumano ke vejîyeno jehr vila keno. Ma Colemêrgî wazenê no problem bêro çareserkerdene. Ganî komiro bêkalîte bêro qedexekerdene. Gerek fîltre bêro xebitnayîş."