AMED - TJAye seba tewbîyayîşê mîtînganê 8ê Adare ke do siba bajaranê Amed, Wan û Êlihî de bêrî kerdiş, veng daye heme cinîyan û dîyar kerde ke ê do hemverê zextan de têkoşîn bikerî

 

Tevgerê Cinîyanê Azadan (TJA) bi wesîleya 8ê Adare Roja Cinîyanê Dinya eşkerayîyêk nuştekî daye. TJAye eşkerayîya xo de polîtîkayê tîfaqê faşîst yê AKP-MHPyî yê kedwer, dagirker, tecrîd û şîdetî ard vîre û daye zanayene ke ê qetî hemverê polîtîkayan de bêveng nêmendî û timî xover dayî. TJAye dîyar kerde ke hemverê polîtîkayê faşîst, yewkesî, zayendperestîyê sîstemê camêrdsewerî, qedexekar, zordest û dagirkerî de bi hezê cinîyan, îradeya cinîyan û rêxistinbîyayîşî xover danî.

 

TJAye tecrîdê serê Rayberê PKKyî Abdullah Ocalanî zî ard vîre û va: “Tecrîdê serê Ocalanî tecrîdê serê komelî yo. welat ver bi tarîtî şono. Bi serkêşîya Leyla Guvene hemverê tecrîdî de xoverdayîş dest pêkerde. Bi seyan cinî û hepsîyê sîyasî tewrê grevê vêşanîye bîyî û têkoşîn gird bîye.”

 

TJAye tewr peynî va: “Ma hemverê hêzo ke wazeno ma mehkumê tarîtî bikero de cayê Leyla Guvena ke berê zindana akerde de yî. Bi bedêlanê giranan qezencê cinîyan virazîyenî. Bi gurkerdişê xoverdayîşî hemverê zîhnîyetê faşîstî ke wazeno ma bipelçiqno de vajî ‘Ma seba cuye û bidî cuyayîş grevê vêşanîye de yî.’ hemverê her tewir zordarî de ma do bêveng nêmanî û têkoşîn gur bikerî.

 

TJAye tewr peynî vengê tewvîyayîşê mîtîngê Amed, Wan û Êlihî ke do 8ê Adare de pê bêro kerde.