DÊRSIM - Rojnamegere Semra Tûrane û 4 kesê ke eynî operasyonî de vizêr Dêrsimî de ameybî tepiştene, sewqê mehkema ameyî kerdene

 

Polîsan vizêr saetanê serê sibayî de eştbî serê keyeyê rojnamegera Ajansê Mezopotamya (MA) ya Dêrsimî Sema Tûrane ser û tewrê aye sewbîna 4 kesan tepiştî. Polîsan keyeyê Semraye de cigêrayîş kerdbî û heme çîyan kerdî têmîyan. Badê cigêrayîşî Semraye hetê polîsan ra ameye tepiştene û berdî Mudirîya Polîsan ya Dêrsimî. Polîsan eynî operasyonî de Hemşaredara verên ya Akpazarî Fadime Çetinkaya, Rayîrberê HDPyî yê verên Hidir Oduncu û Rayîrberê DBPyî Haskar Aytaçî tepiştbî. Rojnamegere Semraye û 4 kesê bînî ke ameyî tepiştene ewro serê sibayî sewqê mehkema ameyî kerdene.