AMED - Endama Awankerdoxa ya Komeleya Cinîyan ê Rosa Elîf Tîrenç Îpek Ulaşe dîyar kerde ke do 8ê Adare de grevê vêşanîye ya bi rayberîya cinîyan ameya destpêkerdene do plan aver bêrê û va 8ê Adare seba înan yew warê têkoşînî ya.

 

Bernameyê 8ê Adare Roja Cinîyan ya Dinya dewam keno û emsar grevê vêşanîye bi rayberîya  hemsereka KCDî  û parlamentera HDPî ya Colemêrgî Leyla Guvene ameya destpêkerdiş vejîyenê vernê. Komeleya Cinîyan a Rosa zî do 8ê Adara xo yê vernê bi bernameyan pîroz bikero.

 

Seba têkoşînê vera şîdetê cinîyan ser...

 

Elîfe da zanayîş ke dimayê OHALî bi padayîşê sazgehan dir, bi lazimîyê cinîyan Komeleyê Cinîyan ê Rosa ameya akerdene û wina va: "Amancê ma tewr pîl o yo ke têkoşînê vera şîdetê cinîyan ser o. Bi OHALî dir vera rêxistinê cinîyan hêrişêke pîl ame meydan. Seba ma bingehê rêxistinê ke vila bîyê, bîyarê têhet û lazimîyan rê bibê cewab, ma reyna sîwana komeleyî de ameyî têhet. Roja ke ma awan bîyê xeylê muracat yenê kerdene. Bi taybet zî cinîyê ke şîdet vînenê muracat kenê. Ma derheqê nê de xebatêke taybet meşnenê."

 

'Ma sey teknîk nêzdîyê tecrîd nêbenê'

 

Elîfe da zanayîş ke nika sey yewin komeleyê cinîyan lebate kenê ke lazimîyê cinîyan bi ca bîyarê û wina va: "Projeyê ma estê. Ma do ameyox de raya pêroyî dir pare bikerê. Bernameyê ma yê 8ê Adare zî dest pêkerdê. Babetê ma yê esas grevê vêşanîye yê. Grev bi rayberîya cinîyan dest pêkerd. Ma xo sey parçeyêke xoverdayîşî vînenê. Ma sazgehêke mintiqaya şerî de xebatan meşnenê yê. Tewr zêde cinî û domanî nê ra tesîr benê. Grev her ca de vila bîyê. Ma tecrîd vera kesêke nêvînenê. Ma bi teknîk nêzdî nêbenê."

 

'8ê Adare wareyê têkoşînî yo'

 

Elîfe tewr peyîn arde ziwan ke tecrîdê serê şarê Kurdî girêdayê tecrîdê Îmralî yo û seba nê zî do  8ê Adare de grevê vêşanîye babeta ma ya sereyîn bibo. Elîfe eynî wextî de arde ziwan ke seba înan 8ê Adare wareyê têkoşînî yo û veng da heme cinîyan ke ganî xoverdayîş ra dûr nêmanê.