Tolîn Mihemed

 

ŞEHBA - Cinîyê Efrînî ke Şehbayî de bi ca bîyê ardî ziwan ke ê têkoşînê cu dewam kenê û vatî: "Xoverdayîşê Efrînî do her wext gane bo."

 

Seba hêrişê dewleta tirkan û komê girêdayê aye şarê Efrînî Kantonê Şehbayî de bi ca bîyê û uca de têkoşînê cu danê. Cinîyê ke kampa de bi ca bîyê û vatî: "Ma sey cinîyan tu wext fek xoverdayîşê xo vera nêdanê. Bi hêz û moralêke pîl xoverdayîşê ma dewam kneo."

 

'Ma do her wext mîyanê çalakîyan de bê'

 

Endama Meclîsê Kampa Serdemî Elîf Osman wina va: "Ma qetî fek têkoşînê xo yê cu ra vera nêdanê. Ma nêverdenê ke kêfê dişminê ma serê ma de bêro. Ma do her wext mîyanê çalakîyan de bê."

 

'Do Efrîn îşxalkerdoxan rê nêmano'

 

Cinîya bi nameyê Edûlê Ehmede wina vana: "Ma sey cinîyê kurdan xo ver danê. Heta peynî ma Efrîn de ma xo ver dayî. Ma îşxalkerdoxan serê herre xo de nêwazenê. Do Efrîn îşxalkerdoxan rê nêmano."

 

'Ma hêzê xo şehîdan ra gênê'

 

Hemsereka komînê Kampe Horiyê Mihemed Mistefa zî wina va: "Ma Efrîn de heta peynî xo ver da û ewro ma nê xoverdayîşî Şehba de dewam kenê. Ma hêzê xo şehîdanê xo ra gênê. Ma do heta peynî rayîrê înan de şêrê."