MUŞ - Namzeda hemşaredarîya HDPî ya Muşî Sîbel Gençe dîyar kerde ke ê xo amade kenê ke projeyê girîng yê derheqê turîzm, kultur û pesdewarkarî de bi ca bîyarê û va heta nika şaredarîya AKPî tu problemê şarî çareser nêkerdo.

 

Namzeda Hemşaredarîya HDPî ya Muşî Sîbel Gençe, da zanayîş ke aye wazena projeyê ke Muş aver beno bikerê.

 

Sîbela ke Muş de ameya dinya û pîl bîya bajarê cîya de perwerdeyê xo temam kerda, mamosteyê fîzîkî bî la bi KHK amî îxrackerdiş. Eynî wextî de weçînayîşê mintiqa de zî HDPyî yê Manîsa de bî namzed e. Sîbele derheqê namzedîya xo de qisey kerde.

 

Sîbele dîyar kerde ke Muş de lazimî bi vurnayîşî esto û va: "Şarê ma zî vano ganî vurnayîş Muş de virazyo. Ma sey HDP heta nika Muş de şaredarî nêgirewta. Her wext destê partîyê îqtîdarî de bî. Xebatê ke bêrê kerdene sey çîyêke halo îstîsnayî pêşkêşê şarî kerdê. Tu xebat derheqê aştîya komelî û problemê komelî de nêameyê kerdiş. Pêwa zehmetîyê ekonomî çîyêke nêameyo kerdene. Muş her wext cîya ameyo vînayîş. La ma do newe ra gane bikerê."

 

'Deşta Muşî de feqîrî esta'

 

Sîbele dewam de da zanayîş ke Muş pêwa ke wayîrê deştêke pîl de deştêka rêza feqîrî ya Tirkîya de rêza ewil de ca gêna û wina va: "Feqîrîya tîya merdimî dano fikrnayîş. Şaredarîya Muşî her wext feqîrî şarî rê ferz kerd. Vera nê projeyê mi estê. Ma do bi metodê zanistî yê kultur û pesdewarkî wareyan akerê. Ma do panel û semîneran bi ca bîyarê. Amancê ma o yo ke ma ekonomîya bajar gane bikerê. Ma do xoza newe ra kifş bikerê."

 

Sîbele dewamê qiseykerdişê xo de bale ante serê problemê feqîrî, kultur û komelê yê Muşî û da zanayîş ke do pîya bibê hêzê çareserî û va: "Ma do bajarê xo hîsê aydiyetî bîyarê meydan. Ma do qezenc bikerê û do şarê m aqezenc bikero. Muş ê ma yo."