HESEKÊ - Xebatkara Terzîxaneyê Lîlitî Warbîn Îbrahîm derheqê xebatê Terzîxaneyê Lîlitî de da zanayîş ke seba debare xebate lazim a û wina va: "Seba cinî bixebityê û debara xo bikerê warê xebate ganî hîn zêde benê. Terzîxaneyê Lîlitî seba cinîyan beno çimeyê debare. Cinî bi piştdayîşêke xurt Terzîxaneyê Lîlitî xebityenê."

 

Terzîxaneyê Lîlitî 3 aşmî verê Amûda Kantonê Qamişloyî ame akerdiş. Xebatkara Terzîxaneyê Lîlitî Warbîn Îbrahîme derheqê xebatê Terzîxaneyê Lîlitî de dîyar kerde ke dimayê Şorişê Rojawanê îmkanê xebate seba cinîyan ame awankerdiş û va: "Seba ke şorişî îmkanê baş cinîyan rê wareyan awan kerdî, nika cinî bi hawayêke azad eşkenê Terzîxaneyê Lîlitî bixebityê. Cinîyê ke xebityênê piştdayîşê yewbînan kenê û bi xebatêke hempar serê lingan de vindenê."

 

'Ma zaf kêfweş ê'

 

Warbîne wina va: "Ma 11 cinî Terzîxaneyê Lîliltî de xebityenê. Ma serê siba dest bi kar kenê û heta dimayê nêmroje ma xebityenê. Ma her kes beşê cîya deştişî de xebityenê. Ma cilê rojane yê cinîyan û ê domanan destiş kenê. Eynî wextî de ma cilê adetî zî deştiş kenê. Heto bîn ra ma perwerdeyî cinîyê ke biwazê ma dir bixebityê, manenê. Tîya ma wazenê cinî mîyanê xebatêke hempar de bieşkê debara xo bikerê. Ruhê xebata hempar bi xêrê Şorişê Rojawanê Kurdistanî ame meydan. Ma zaf kêfweş ê."

 

'Ruhê xebata hempar bi xêrê Şorişê Rojawanê Kurdistanî ame kerdene'

 

Warbîne tewr peyîn wina va: "Seba cinî bixebityêû debara xo bikerê wareyê xebate hîna zêde bibê. Terzîxaneyê Lîlitî seba cinîyan beno çimeyê debara. Cinî bi piştdayîşêke xurt Terzîxaneyê Lîlitî de xebityenê. Seba şorişî îmkanê zaf baş cinîyan ra amade kerd, cinî bi hawayêke azad eşkenê Terzîxaneyê Lîlitî de bixebityê. Cinîyê ke xebityenê piştdayîşê yewbînan kenê û bi xebatêke hempar serê linganê xo de vindenê."