ŞIRNEX - Cinîyê Botanî dîyar kerdî ke do hewteyê 8ê Adare wareyan de bê û waştişê Leyla Guven û hepsîyê bînan ziwan. Cinîyan da zanayîş ke do bi tililiyê xo xoverdayîş newe ra bidê meydan û bibê vengê Leyla Guvene.

 

Cinîyê Botanî ke 8ê Adare Roja Cinîyan ya Dinya amadekerîyan kenê, startê bernameyê xo do 4ê Adare de bidê.

 

Cinîyan da zanayîş ke do heta 31ê Adare wareyan de bê û derheqê 8ê de zî hîsê xo vatî.

 

Cinîya bi nameyê Dîlber Dalmişe bale ante serê xoverdayîşê Leyla Guvene û va: "No grev û xoverdayîşê hem ma xemgîn kenê, hem cesaretî danê ma. Pêwa her çî ma do fek têkoşîn ra vera nêdê. Ma cinîyê Botanî birîndarê la ma bi xoverdayîşê birînê xo bikewênê. 8ê Adare de rojevê ma sereyîn tecrîd û grev ê. Ma do wareyan de piştdayîş bidê Leyla û embazanê aye. Ma cinîyê Botanî do hewteyê 8ê Adare de wareyan de bê.

 

'Ez xoverdayîşê înan pîroz kena'

 

Asya Aslane zî wina va: "Ez sey cinîyêke Botanî selamê xo Leyla Guven û embazê aye grev de yê eşrawena. Leyla Guvene dayîkêke ya û seba tecrîdê Birêz Ocalan ser o wirzo kewt grev. Ez grevê aye zerrî ra pîroz kena. Ma do bi ruhê xoverdayîşê 8ê Adare de kuçeyan de bê. Ma do heta weçînayîşan wareyan de bê.

 

'Wa cinî wareyan de bibê cewab'

 

Cinîya bi nameyê Meryem Eşkara zî da zanayîş ke 8ê Adare rojêke cinîyan bi bedeldayîşê bidest kerdê û wina va: "A roje ra dima vera camêrdan sere nêtewenê. Cinîyê Kurd zî bîyê rayberê nê xoverdayîşî. Îdeolojî û felsefeyê Birêz Ocalanî seba heme cinîyan rê bîyo nimûne. Cinî bi serran o bi îradeyê xo vanê ma tîya yê. Seba heqê xo têkoşîn kenê. Leyla Guvene bi aşman o grev de ya. Ma cinîyê Kurd do 8ê Adare de do bi îrade, bîyayîş û xoverdayîşê xo tecrîd veng vejê. Ez sere de Leyla Guvene, 8ê Adare ya heme cinîyan pîroz kena."

 

Bernameyê ke bêro kerdene wina yo:

 

4ê Adare: Şirnex de Şahîyê Cinîyan (13.00)

 

5ê Adare : Merkez û qezayan seba Leyla Guven û hepsîyan qert bêrê eşrawitiş. (11.00)

 

6ê Adare: Guçlukonakî de rayşîyayîşê bi erbane û vilakerdişê qerenfîl.

 

7ê Adare: Akerdişê buroyê weçînayîşê ê cinîyan do Cizîr û Hezex de şahî organîze bikerê. (13.00)

 

8ê Adare: Sîlopî de akerdişê buro û şahî (12.00)