Hesna Mihemed  

 

ŞEHBA - Domanê Efrînî yê ke Şehba de bi ca bîyê, ardî ziwan ke ê wazenê reyna Efrîn de kayê xo kay bikerê û vatî: "Ma wazenê ageyrê Efrîn."  

 

Dimayê hêrişê dewleta tirkan û komê girêdayê aye Efrînijî Şehba de bi ca bî. Domanê ke Şehba de bi ca bîyê her rey waştişê xo yê agerayîşê Efrînî reyna kenê. 

 

'Ez resimê agerayîşê Efrînî xêz kena'   

 

Domana bi nameyê Zeyneb Ebdo wina va:"Wexto ke ma Efrîn ra vejîyayî ma zaf xemgîn bî. Ma nika Şehba de cuyenê. Ez tîya wendişê xo dewam kena. Pêwa heme zehmetîyan ez fek wendişê xo ra vera nêdana. Ez hewn û xeyalê xo bi rayîrê hîkayeyan û xêzkerdişê qalî kena. Ez resimê agerayîşê Efrînî xêz kena." 

 

'Ez wazena bibî doktor û hetkarîya merdiman bikerî'

 

Zeynebe wina qedêna: "Çiqas hêriş bibê zî ma fek herra xo ra vera nêdanê. Heta Efrîn xilas nêbo ma fek têkoşînê xo ra vera nêdanê. Ez wazena bibî doktor û hetkarîya merdiman bikerî."