Dîlan Babat

 

ENQERE - Esma Yilmaza ke Hepisxaneyê Tîpê T yê Hûmara 2yîn ê Rihayî de manena seba weşîya kêna xo Arîne muracatê serbest veradayîşê bi kontrol kerde la hîrê rey zî ame redkerdene. Avûkat Guler Kiliçe ke dosya berde DDBî û dîyar kerde ke hukmê qanûno akerde zî nêvînenê.

 

Arîna 19 aşmî ke bi dayîke xo Esma Yilmazare dir Hepisxaneyê Tîpê T yê Hûmara 2ine ê Riha de manena, nêweşîya astimî ya û her ke şino kîlo vindî kena. Esma Yilmaze da zanayîş ke şîyayîşê nêweşxaneyan tîya ra zaf zehmet o û waştişê sewqkerdişê Hepisxaneyê Tîpê E yê Mêrdînî kerdibî, cewabê dimayê aşman dima ame dayene, sewqê Mêrdînî kerdibî.

 

Arîne hetê pîyê xo Mîhdî Yilmazî ra di rey hepisxaneyê Mêrdînî ra amî girewtiş û berdî nêweşxane. La rewşa aye de tu vurnayîş nêvirazîya, ame zanayîş ke rewşa Arîne xirab bena. Mîhdî derheqê rewşa Arîne de zanayîş da avûkata înan Guler Kiliç Polate zî da zanayîş ke dosya eşrawita Dadgeha Desturê Bingehîn (DDB).

 

'Nêeşkena boya xo bigîra'

 

Mîhdî dîyar kerd ke di rey Arîne hepisxane ra berdê keye la bê dayîke xo nêvinderta û va: "Arîne 15 rojan de reyna kîlo vindî kerde. Çimê aye şemitênê. Boye nêeşkena bigîra. Hepisxaneyê Mêrdînî de şert û merc baş nîyê. Sey cayê îşkenceyî yê. Merdimêke saxlem nêeşkeno ci de bimano. Selahîyetdarî ma muxatab nêgînê."

 

Avûkat Guler Kiliç Polate zî da zanayîş ke seba rewşa weşîya Arîne, dayîka aye Esmaye hîrê rey muracatê veradayîşê bi kontrol kerda û va muracatê aye ameyo redkerdene û nê ser dosya berdê DDBî. Gulere wina va: "Hukmê qanûno akerde bi ca nêanê. Esma serrêke yo tepişnayîya. Seba cinîyanê ke domanê înan emrê înan 6 serrî ra qij bibo, gerek bi şert serbest bêrê verdayîş. Esmaye seba nê xeylê rey muracat kerde. La muracatê aye ame redkerdene. Sebeb zî o bi ke  Mêrdîn de ‘koxuşê hetgeran de' bîya. Ma serê redkerdiş, de muracatê DDBî kerd. Ma netîceyê DDBî pawenê."