Hesna Mihemed

 

ŞEHBA - Cinîyê Efrînî yê ke Kantonê Şehbayî de bi ca bîyê ardî ziwan ke pêwa heme zehmetîyan têkoşînê seba cu dewam keno û wina vatî: "Têkoşînê ma rûmetê ma yo. Heta ke ma Efrîn bixelisnê ma do xo ver bidê."

 

Dimayê hêrişê dewleta tirkan û komê girêdayê aye şarê Efrînî Kantonê Şehbayî de bi ca bî. Cinîyê ke nika Kantonê Şehbayî de têkoşînê cuye danê qisey kerdî û vatî: "Çîyo ke merdimî girs keno têkoşîn o. Coka ma do qetî fek têkoşînê xo ra vera nêdê."

 

'Xoverdayîşê ma dewam keno'

 

Cinîya bi nameyê Fatima Ibrehîme wina va: "Ez zaf xemgîn a ke Efrîn amî îşxalkerdiş. Ma serê herra xo ra ameyî koçkerdiş. La seba ma amancê cuye xoverdayîşê her wextî yo. Xoverdayîşê ma dewam keno. Heta ke ma nêresê amancê xo ma fek têkoşînê xo ra vera nêdanê."

 

'Efrîn bi şahidê şerêke xidar' 

 

Esmehan Mustefaya ke Kampa Serdemî de manena hîsê xo wina arde ziwan: "Efrîn bi şahidê şerêke xidar. Xeylê kes ameyî qetilkerdiş. La reyna zî hêvîya xo ya agerayîşê Efrînî vindî nêkerd. Do efrîn îşxalkerdoxan rê nêmano."

 

'Têkoşînê ma rûmetê ma yo'

 

Dicle Birîmoye zî wina va: "Seba dewleta tirkan ê faşîst herre ma îşxal kerd nika ma kampe de manenê. Ma heta ke Rayber Apo û Efrîn nêxelisnê ma nêvêndenê. Têkoşînê ma rûmetê ma yo. Heta ke ma Efrîn bixelisnê, ma do xo ver bidê. Yê ke merdimî pîl keno têkoşînê înan o. Coka ma do qetî fek têkoşînê xo ra vera nêdê."