Ruhenda Amed

 

DÊRAZOR - Çeteyê DAIŞî Baxozî de kewtî tengî û tay mendo ke operasyonê hemverê DAIŞî peynî bibo. Yaşar Başara ke teslîmê hêzê HSDyî bîye arde ziwan ke aye pêroyê keyeyê xo reyde tewrê DAIŞî bîya û dîyar kerde ke herra Sûrîye û keyeyê şarî sey xenîmet yenî xebetnayîşe.

 

Hêzê Sûrîyeya Demokratîke (HSD) hemverê DAIŞî de operasyonê ‘Bahozê Cizîrî’ dabî destpêkerdiş û no operasyon nizdîyê qedîyayîşî de yo. Çeteyê DAIŞî yê ke Dewa Baxozî de kewtî tengî sîvîlan xo rê kerdî mertal. Heta nika xeylê sîvîlî hetê HSDyî ra ameyî xelisnayîş. Xeylê çeteyê ke teslîm bîyî zî Tirkîye ra tewrê DAIŞî bîyî. Nê kesan ra yew zî Yaşar Başara ke (Hacer) Stenbolî de tewrê keyeyê xo cuyayêne û eslê xo ra Konya ra ya ya. Yaşare sebebê tewrbîyayîşê xo yê mîyanê DAIŞî va.

 

'Ma cahil bîyî û ma poşman î'

 

Yaşare qiseykerdişê xo de wina va: “Şert û mercê Tirkîye xeylê zehmetî dayî ma. kesê kem a înan reyde kewtî têkilî vatî ke ‘tîya de cereyan, aw belaşî û kîra nîno dayîş. Eke şima bêrî tîya şima do rehet bikerî.’ Stenbol de dikanê ma yê telefonan estbî. Ma bi wesîleya embazê mêrdeyê mi ameyî tîya. Ma 2015î de tewrê 5 kêna, mêrde û zamayê xo derbazê Sûrîye bîyî. Ti problemêk nêvejîya. Wexto kem a ameyî Dêrazorî zî qet problem nêvejîya. Nameyê mi bedilnayî û kerdî Hacer. Ma şîyî keyeyê kesêk û no keye êdî bî yê ma. Keyeyê mi, heywanê mi û bizê mi virazîyayî. Wexto ke ma şîyî Sûrîye nê çîyan dayî ma. Mêrdeyê mi û 2 zamayê ma DAIŞî de merdî. Ma cahil bîyî û ma poşman î. Ma di roj verê korîdoro ke HSDyî akerd ra teslîmê HSDyî bîyî. HSD çîyo ke xirab bi ma nêkerd. Ma wazenê agêrê Tirkîye.”

 

Yaşar û kênayê aye badê ke hetê HSDyî ra lazimîyê înan ameyî bicaardiş, derbazê kampe ameyî kerdiş.  

 

https://www.youtube.com/watch?v=K6QnW3HKzyQ&feature=youtu.be