Şehrîban Aslan

 

AMED - Endama Merkezê Caardiş û Erjnayîşê Heqê Cinîyan ê Baroyê Amedî Dîren Elîf Vurgune dîyar kerde ke amancê DDByî redkerdişê îtîrazê vera destûr dayîşê birnayîşê mareyê îmaman, o yo ke wesfê sûcî bivuryo û emrê razîbîyayîşê 15î bifînê 12an.

 

Bi  vurnayîşê fikrayê diyîn ê maddeyê 22ine ê Qanûnê Xizmetê Nifûsî ya Hûmara 5490 dir, heqê birnayîşî mare dabî miftîyê merkez û qezeyan. Vera nê 23ê Çele de muracatê îtîrazê Dadgeha Destûrê Bingehîn (DDB) ame kerdene û DDBî qerarê betalkerdişî red kerd. Endama Merkezê Caardiş û Erjnayîşê Heqê Cinîyan ê Baroyê Amedî Dîren Elîf Vurgune derheqê babete de şîrove kerde û da zanayîş ke no qanûn, hêrişê vera laîkbîyayîşî û goreyê pêameyîşê mîyanneteweyî nîyê.

 

'Derheqê qanûnî de propaganda yeno kerdene'

 

Avûkat Dîren Elîf Vurgune derheqê qerarê redkerdişê DDBî de qisey kerde û va: "Rewşa sûcê îstîsmarê zayendî de domanê ke rastê îstîsmarî ameybî û rewşa bi gumanbar de bêrê zewicnayîş ceza yena taloqkerdiş. No qanûn newe ra yeno munaqeşekerdiş. No qanûno ke qalê ci yeno kerdene vernîya tahliyekerdişê îstîsmarkerdişî akeno û bi hemkarîya çapemenî sey ke mexdurîyet yeno cuyayîş propaganda yeno kerdene. Zîhnîyet û çîyê ke yenê waştiş bêrê kerdiş dîyar ê. Dînê îslamî referans yeno girewtene û çîyê ke yeno waştiş bêro kerdiş zî hêrişê vera layîkbîyayîşî yo, vera pêameyîşê mîyanneteweyî û metodê huquqî, heqê merdiman o. Ganî qanûnêke wina munaqeşe zî nêro akerdene."

 

'Dewlete ganî domanan bipawo'

 

Dîrene da zanayîş ke dewletê hetgêr Pêameyîşê derheqê Heqê Domanan ê NYî yê, ganî domanan vera her tewir îhlalkerdiş, îstîsmar û şîdetî ra bêrê pawitiş. La dewlete vera ke domanan bipawo, camêrdê ke îstîsmar kenê pawena û derheqê nm de zî pêameyîş ana rojeve.