ÎZMÎR - Keyeyan dîyar kerde ke destpêkê grevê vêşanîye ra dima serê hepsî û keyeyê înan teda zêde bîyê û va: "Ganî her kes vejîyo teber û xo ver bido. Ganî veng vejê. Vera merdişê ke bêrêkerdiş her kes berpirsîyar o."

 

Parlamentera HDPyî ya Colemêrgî û hemsereka KCDyî Leyla Guvene ke bi amancê şiknayîşê tecrîdî 8ê Teşrîna Peyêne 2018an de kewtebî grev, çalakîya aye roja 108ê de dewam kena. Eynî wextî de çalakîya grevê vêşanîye 300î ra tewr zêde hepsî zî ke bi eynî amancê dabî destpêkerdiş dewam keno. Mintiqaya Egeyî hepisxaneyê Kiriklar, Şakran, Odemîş, Manîsa, Bandirma, Akhîsar, Kepsut, Denîzlî û Burhanîye 8 ci ra cinî bi pêroyî de 59 kes grev de yê.

 

Maya Ronî Yavuz ke hepisxaneyê Şakranî de grev de yo, Dîlan Yavuz û maya Hayrî Yidirimî hepisxaneyê Kiriklarî grev de yo, Turkan Yildirime veng da her kesî ke bêveng nêmanê û ganî waştişê domananê înan bi ca bîyarê.

 

'Seba kesê ke kewtê grevê cezayê hucre yenê dayîş' 

 

Lajê Turkan Yildirime hepisxaneyê hûmara F-2 ê Kiriklar, birayê aye Abdulbahrî Yildirimo ke Şakran hûmara T-2 û birazayê aye Abdurrahman Yidirimî zî hepisxaneyê Şakran T-3 maneno. Turkane dîyar kerde ke Abdulbahrî û Abdurrahman beşdarê grevê vêşanî yê 10 rojan bîyê û dayî zanayîş ke hepsîyan vato heta tecrîd nêwirzo do grev dewam bikerê. Turkane wina va: "Hepisxaneyê Kiriklarî grevê bêdem û bêagerayîş kewt roja 56ine. Dejê sereyê hepsîyan zêde bîyo. Tansîyonê înan kona. Nêzdîyê 10 kîloyan dayê. Cezayê hucreyî dayê înan. Caardişê kêfî estê. Serê lingan de ferzkerdişê hûmartişî esto. Keyeyê ke şinê serdayîş zî rastê caardişan yenê. Ciagerîyêşeke şîdetîn esto. Pûncan zî vejenê. Mayî bi saetan serê lingan de vindenê. Şakran de wextê pêvînayîşî de lamba girewtî. Pêvînayîş sabote kenê."

 

'Do her kes merdişan ra berpirsîyar bo'

 

Turkane tewr peyîn qiseykerdişê xo de wina va: "Ma dest têkoşîn ra vera nêdê. Ganî her kes tebera têkoşîn bikero. Polîtîkayêke tersnayîşî ê cidî estê. Her kes wazeno çîyêke bikero la nêvejîyenê meydanan. Ez veng dana. wa merdiş nêrê cuyayîş. Eke kesêke zî bimro ma do xo efû nêkerê. Ma berpirsîyarê. Ganî verê hepisxaneyan de îzahat bêro dayîş."

 

Maya hepsîyê bi nameyê Ronî Yavuz, Dîlan Yavuze zî da zanayîş ke roja grevê vêşanîye ameyê destpêkerdiş heta nika hepsî û merdimê hepsîyan binê tedayê de yê û va: "Hepsî bi îdare dir probleman cuyenê. Hepisxaneyan de pêvînayîş de vetêşê solan, cigêrayîş yeno ferzkerdiş û eynî wextî de cezayê dîsîplînî yenê kerdiş."