Gulîstan Azak

 

AMED - Hemsereka SESî Gonul Adibellîye sera 26.4 zamê seba vayîye dermanan ameyo kerdene sey 'krîzê ekonomî ya weşîye de' şîrove kerde û dîyar kerde ke warê weşîye warêke asan nîyo û îqazê nêeşkenê bi weşîye şarî bêro kaykerdiş, kerd.

 

Rojê vîyarte de seba sera 26.4 zam ame kerdiş û 19ê Sibate ra derman bi zam ameyî rotiş. Krîz û kaoso ke Tirkîya ci ra derbaz beno, tesîrê xo serê sektorê dermanan kerd. Hemsereka SESî ya Amedî Gonul Adibellîye derheqê babete de şîrove kerde û arde ziwan ke no zam do hem dermanxaneyan û hem zî nêweşan bido zor. Gonule da zanayîş ke do nê zemî dermanxaneyan de stokerdişê dermanan ferz bikero û nêweşî zî do dermanan nêvînenê.

 

'Maeşê teqawîtbîyayîşê zemê dermanan nêvejîyeno'

 

Gonule dîyar kerde ke seba maeşê teqawitan sera 10 zam ameyo kerdiş û va maeşê teqawîtan do bi zamê dermanan dir zî biqedîyo û wina va: "Wextê emrê teqawîtan verê çiman de bêro girewtiş, xora muşterîyê dermanxaneyan zafê xo teqawît ê. Zamê seba maeşan ameyo kerdiş zî qîm nêkeno. Zamê ke yeno kerdiş zî şîyeyê zamê dermanan nêvejîyeno."

 

'Berpirsîyarê krîzî AKP yo'

 

Gonule bale ante serê krîzê ekonomî ya kûr ê welat û va no problemêke sektorê weşîye de zî rayîr verê problemê cidî akeno û hetê şarî ra zî no krîz bi hawayêke cidî yeno hîskerdiş. Gonule va berpirsîyarê krîzî zî hukmatê AKPî yo û wina va: "Tesîrê krîzî do wextê ameyox de tewr zêde bêro hîskerdiş. Dimayê weçînayîşan do kûr bibo."