RIHA - Goristanê Pirsûsî de mezelê komkiştişê Pirsûsî Osman Çîçek, Kasim Deprem û mezelê komkiştişê Anqara Yilmaz Elmascanî, rastê hêrişî ameyî. 

 

Goristanê ke heme îtîqat û cimatan de bimbarek ê Kurdistan de tim bi herişê dewlete rojdem de yê. Na rey zî qezaya Pirsûsî ya Riha de mezalan rê hêriş ame kerdene. Osman Çîçek o 22 serre û Kasim Deprem o 23 serre Pirsûs de verê Merkezê Kultur û Hunerê Amara de ameyîbî kiştene. Yilmaz Elmascan zî 10ê Teşrîna verêna 2016î de, komkiştişê Anqara de amebî kiştene û cenazeye her hîrê kesan zî goristanê Pirsûsî de ameybî defînkerdene. 

 

Vizêrî şewe, kes yan zî kesê ke nasnameyê ci nênê zanayene hêrişê mezelanê înan kerd. Hêrişkaran kêlê mezelan şikitî û zerar da bi mezelan.