AGİRÎ - Mesmegul Ozdemîre ke Bazîd de yewin namzeda cinî ya keyatî ya, dîyar kerde ke êdî do cinî kuçe, bajaran û  taxanê îdare bikerê. 

 

Do 31ê Adare de şarê Tirkîya şêrê serê sindoqan. Nêzdîbîyayîşê weçînayîşê mintiqa de partîyan zî lezgînî dayîşê xebatanê xo. Weçînayîşê mintiqa 31ê Adare ke nêzdî benê xêrcê namzedê hemşaredarî, keyatî zî bêrê kerdene. Bazîd de mîyanê namzedê keyatî de tena cinîyêke esta. Namzeta keyatiyê Mesmegûl Ozdemîre dîyar kerde ke êdî kuçeyan de taxan û bajaran de cinî îdare bikerê û va ke ganî her warêke cuyayîş de ca bigîrê.  

 

'Kuçe, tax û bajar ganî hetê cinîyan ra bêrê îdarekerdiş'

 

Mesmegûle dewam de wina va: "Heta nika her wext vatî cinîyan ra keya nêbena. Seba vera nê zîhnîyetî bibî cewab mi qerar da ke ez bî namzed. Gerek komel zî êdî bizano ke cinî eşkenê her warêke cuyayîş de ca bigîrê. Tena qeza de ez namzeda cinîya. Mi bi nê game hêz da cinîyan û nika tewr zêde cinî piştdayîş danê mi. Cinî bawerîya xo bi ma anê û ez seba nê wazena bibî keya. Heta nika her wext taxa ma hetê camêrdan ra ameya îdarekerdiş. La tîya ra troya cinî do taxe îdare bikerê. Êdî cinî do kuçeyanê xo, bajaranê xo û taxê xo îdare bikerê."

 

'Ez do seba cinîyan bixebityê'

 

Mesmegûle tewr peyîn wina va: "Eke ez 31ê Adare de bêrî weçînayîş ez do her warî de cinîyan rê cayê karî akerî. Na taxe de cinî bi serran o nan pewjnenê. Ez do cinîyan rê firnê nan akerî. Do cinî uca hem kar bikerê û hem zî probleman munaqaşa bikerê. Taxe ma de keyeyê şînî çin o. Ez do keye zî akerî. Ma cinî ma do bi hewayêke demokratîk taxa xo îdare bikerê. Taxa ma her serre camêrdan îdare kerda, la tîya ra tepya do cinî îdare bike