Melîke Aydin

 

ÎZMÎR - Serpîl Kemalbaya HDPyî dîyar kerde ke binê hêrişê tifaqê AKP-MHP yê ke vera parlamenterê HDPyî de sûcdarî û bêçareyî esto û wina va: "Zanê ke hemleyêke qij de do vindî bikerê. Seba hesabê sûcê vera şarî êdî nîno kerdene. Zanê ke do hesabê nê bêrê perskerdene. Bi endîşe heme îmkanê dewlete wazenê ke HDPî bêtesîr verdê."

 

Çalakîya grevê vêşanîye ya Leyla Guvene û hepsîyan dewam kena. Çalakîya Leyla Guvene kewte roja 106ine. Bi beşdarbîyayîşê hemserek û parlamenteran HDPyî mîtîng viraşt. Roja 100ine çalakîya Leylaye de Amed de rayşîyayîş ame kerdene, Stenbol de rayşîyayîş ame kerdene.

 

Parlamentera HDPyî ya Îzmîrî Serpîl Kemalbaye dîyar kerde ke hewl yeno dayîş ke HDP bêro krîmînalîzekerdiş û wina va: "HDP vera teda û şîdetî berz beno, seba aştî û demokrasîya Tirkîya berpirsyarîyê xo bica ano. No hewldayîşê têkoşînî zî hetê vera bêmoral keno. Vatişê wexîrê zereyî û serekomarî zî vejîya meydan. Tu çîyêke îqtîdar bido nêmendo."

 

'Wazenê krîz û waştişê aştî manîpule bikerê'

 

Serpîle dewaî de arde ziwan ke vera HDPyî polîtîkayê şer yenê vetiş û bi 3 serrî yo HDP serê lingan de yo, pêwa pêroyî tepiştiş û tewqîfkerdişan,  HDPyî xo tewr xurt kerd û va: "Îqtîdar êdî vindî kerdo, çîyêke bido nê şarî çin o. Hêrişê vera parlamenter Salîha Aydenîze û Pero Dundarî zî nîşan dano. Yena na mana ke nêzanê ma seba demokrasî çi danê verê çiman. Ewro Leyla Guvene grevê vêşanî de mewsîmêke pey xo de verda. Wazenê na çalakîye bişiknê."

 

'Sucê vera şarî nînê hesabkerdene'

 

Serpîle da zanayîş ke warê piştdayîşî û têkoşînî nêmendê, vernîya sîyasetê demokratîkî yenê padayîş û coka zî grevê vêşanî vila benê. Serpîle da zanayîş ke sucê vera şarî yenê kerdene zî êdî nînê hesabkerdene û va tifaqê AKP-MHPyî seba xo bîyaye bikero dişminan zêde keno.