Hesna Miheme

 

ŞEHBA - Endam û Îdarekarê Yewîya Cinîyê Azadan ê Şehbayî xoverdayîşê 104 rojan ê Leyla Guvene selam kerdî û vatî: "Leyla Guvene Sembolê têkoşîn û xoverdayîşî ya, do cinî pîya tecrîd bişiknê."

 

Parlamentera HDPî ya Colemêrgî û Hemsereka KCDyî Leyla Guvene seba tecrîdê serê Rayberê PKKî Abdullah Ocalanî bi peynî bibo dest bi grevê vêşanîye bêdem û bêagerayîş kerdebî. Çalakîya grevê vêşanîye Leyla Guvene kewt roja xo ya 104an. Derheqê babete de Endam û Îdarekerê Yewîya Cinîya Azadan ê Şehbayî vatî: "Xoverdayîşê Leyla Guvene xoverdayîşê ma yo."

 

'Çalakîya Leyla Guvene pîroz û bi erj a'

 

Endama Yewîya Keyeyê Cinîyan ê Kantonê Şehbayî Hemîde Temo dîyar kerde ke ganî her cinî rayîrê têkoşînê Leylaye de bimeşa û va: "Leyla sembolê têkoşîn û xoverdayîşî ya. Çalakîya Leyla Guvene pîroz û bi erj a. Leyla Îradeyê temamê cinîyan a. Ma do heta peynî bi zerrêke germ xoverdayîşê Leyla Guvene rê wayîr vejîyê."

 

'Cinî do pîya tecrîd bişikinê'

 

Heto bîn ra cinîya bi nameyê Îman Oso arde ziwan ke Abdullah Ocalan seba azadîya cinîyan têkoşîn kerdo û wina va: "Leyla seba aştî û azadîya Rayber Apo bedenê xo daya verê vêşanîye. Ma do seba aştî û azadîya Rayber Apo heta peynî piştdayîş bidê çalakîya Leyla Guvene."

 

'Leyla sembolê cinîyanê azadan a'

 

Îdarekera Yewîya Cinîyanê Azadan ê Kantonê Şehbayî Zehra Gelo va: "Sey cinîyanê Şehbayî xoverdayîşê Leyla Guvene ma selam û pîroz kenê. Leyla Guvene bî sembolê cinîyan ê azadan û ma do pîya tecrîdo ke Rayber Apo ser o bişiknê. Leyla Guvene sembolê têkoşîn û xoverdayîşî ya. Do cinî pîya tecrîd bişiknê. Xoverdayîşê Leyla Guvene xoverdayîşê ma yo."