QAMIŞLO - Çalakgerê cinîyan ê ke grevê vêşanîye de yê qezaya Girkêlege de mana û rastîya çalakîya Leyla Guvene qalî kerdî û şîrove kerdî. Çalakgeran dîyar kerdî ke çalakîya Leylaye wina waştiş û sozdayîşê cinî bi heskerdişê azadîye seba cinîyan dano îfadekerdiş.

 

Seba piştdayîşê çalakîya Hemsereka Kongreya Komela Demokratîke (KCD) û parlamentera Partîya Demokratîke ya Şaran (HDP) ê Colemêrgî Leyla Guvena ke vera tecrîdê serê Rayberê PKKî Abdullah Ocalanî daya destpêkerdiş cinîyê Girkê Legê dest bi grevê vêşanîye kerdî û çalakîya xo dewam kenê û wina vatî: "Tekoşînê Leyla Guvene tekoşînê rûmetî yo, ma do zî wayîrê rûmet û azadîya xo vejîyê."

 

'Çalakîya Leylaye heskerdişê ma yê azadîye ya'

 

Cinîya bi nameyê Esma Elîye ke çalakîya grevê vêşanîye de ya wina va: "Ma bi zerrî û gan ra selamanê xo Leyla Guvene û heme çalakgeran ra vanê. Çalakîya Leylaye bi nê hêz û girêdayîşî heskerdişê azadîye nîşan dana. Coka ma cinî zî tewr zêde girêdayîşê xo Leylaye rê mende kenê. Çalekîya Leylaye seba azadîya Rayber Ocalan û şiknayîşê zincîrê koletî û faşîzmî ya, eynî wextî de na çalakîye bî cewab seba komplo. Komplo Rayberî ser ame meşnayîş şexsê cinîyê bi îrade û hêzê xo bawer ê sey Leyla veng ame vetiş. Hêvîye ma a ya ke Leyla û embazê xo baş bibê û waştişê aye bireso amancê xo."

 

'Çalakîya Leylaye îdeolojîyê serdest rijna'

 

Cinîya bi nameyê Gulê mûrade zî bale ante serê manaya çalakîya Leyla Guvene û wina va: "Leylaye seba rûmet û azadîye têkoşîn kena. Seba nê zî çalekîye, tevger, xebat û xoverdayîşê nê îdeolojîyê serdest rijna. Tekoşînê Leylaye tekoşînê rûmetî yo, ma do zî wayîrê rûmet û azadîya xo vejîyê."