AMED - Hunermend Berfîn Aktaye seba domanan konser da û va: “Wa doman nêqeresî yî.”

 

Amed de kesê ke serê medyaya komelkî de arê bîyî, seba domananê ke rewşa înan xirab î, konserêk organîze kerdî. Konsero ke ame organîzekerdene de hunermend Berfîn Aktaye deyîran va. Hunermend Berfîne badê konserî qisey kerde û dîyar kerde ke aye xeylê kêfweş a û dîyar kerde ke  lazimo ke domanê ke rewşa înan xirab î, bêrî wayîrvejîyayîş.

 

Amanc wayîrvejîyayîşê domanan o

 

Berfîne konser ra dima qiseykerdişêko kilm kerde û va: “No program seba piştîdayîşê domanan o û ez bi kêfweşî tewrê program bîya. Seba sibaroj û ameyoxê domanan, ganî wayîrvejîyayîş bibo.”

 

Endama Medyaya Wa Doman Nêqeresî Hêlîn Kartale zî qiseykerde û wina va: “Hedefê ma sibarojê domanan o. Cok ra ma konserêk organîze kerde û ma waşte ke her kes hetkarî bido domanan. Pereyê ke konser de ameyî arêdayene do bexşê domanan bêrî kerdene.”

 

Konser bi deyranê kurdî peynî bî.