WAN - Namzeda hemşaredarîya bajarê Girdî ya Wanî Bedîa Ozgokçe, dîyar kerde ke kîşte hemserekîya HDPyî, bi sîstemê fermuarî zî yewîneyê tewr qij de bi hawayêke têduşt ca danê cinîyan û wina va: "Ma bi netîceyê xo îfade kerd ke ma wazenê Tirkîya se bikerê, ma senîn xo seba îdarekerîyê mintiqa amade kenê û ma kewtê rayîrêke senîn."

 

Çarçeweya weçînayîşê 31ê Adare de HDPyî 10ê Sibate de bi beşdarbîyayîşê 208 namzedê xo bi bernameyêke ‘Beyannameyê weçînayîşî ê cinîyan' raya pêroyî rê eşkera kerd. Wan de zî bi rayberîya cinîyan xebate yena meşnayîş û xebate esasê 'paradîgma demokratîk, ekolojîk û azadîwaşt ê cinîyan' hedef kenê ke 14 şaredarîyan bigîrê û bajarê cinîyan awan bikerê.

 

Namzeda hemşaredarîya bajarê gird ya Wanî Bedîa Ozgokçe dîyar kerde ke bêtêduştî û şîdet problemê pîl ê komelî yo, la bernameyê partî de tena vînayîş de cinî estê û wina va: "Cinî tena sey kesê ke bêrê îdarekerdişî yê. Her şino modelêke azadîya sînor keno û beno sey sîstem, aver şino. HDPyî zî cîyayê xo yê tewr pîl danê meydan. Ganî cinî her warê bibê û hêzdar bibê. Ma sey partîya ke averşîyayîşê ci kenê, xebatê pîl zî meşnenê. Coka zî ma vanê HDP partîyêke cinîyan o."

 

'Bi hemserekî û sîstemê fermûarî cinî her ca de yê'

 

Bedîaye da zanayîş ke partîyê bîn yê sîyasî de sera 3 namzedî cinî ca gênê û HDP, tarîxê Tirkîya de yewin partîya ke tewr zêde bi temsîlkerdişê cinîyan meclîsî yê. Bedîaye wina va: "Partîya ma verê hemserekî de bi sîstemê fermuarî zî şina weçînayîşan û bi yewîneyê tewr qij de zî cinî bi hawayêke têduşt ca bigîrê. Ma mintiqa û meclîs de bi rengê cinîyan sîstemêke esas gênê. Sîstemê hemserekî zî seba nê esto."

 

'Ma îfade kerd ke ma kewtê rayîrêke senîn'

 

Bedîaye dewam de bale ante ser netîceyê weçînayîşî û va: "Roja ke ma beyanname eşkera kerd coşêke pîl estbi. Moral û kelecan zaf zêde bi. Rojê ma ramojna ke ma kewtê rayîrêke senîn. Ma do sîstemê hemserekî mende bikerê."

 

Bedîaye derheqê projeyê xo yê seba Wanî zî qisey kerde û va: "Ma do heme xebatê xo de vajê ke heme îmkanê bajar seba cinîyan akerdê. La hetê fîzîkî yê bajar ra zî dûrî yo. La ma do bajarê cinîyan awan bikerê. Cinî biwazê senîn bicuyê, ma do goreyê ci mekanîznameyan awan bikerê."