Şêrîn Zêrevan

 

QAMIŞLO - Maya Meqbûla Îsaya 90 serrî qalê vînayîşê Rayberê PKKî Abdullah Ocalan kerde û va: "Ez wazena Serek azad bibo. O Rayberêke aştîwaştox o, coka gerek o nika mîyanê şarî de bibayne."

 

Serra 1992an de Maya Meqbûla Îsaya 90 serrî ke qezaya Tirbespiyê Qamişloyî ra ya Lubnan de bi Rayberê PKKî Abdullah Ocalanî dir pêvînayîş kerda. Derheqê pêvînayîşê 1992an de Meqbûla hîsê xo ardî ziwan û va: "O wext Serek Akademîya Lubnanî de bi. Wexto ke mi ey dî, ez zaf bi kelecan bîya. Ez zaf binê tesîrê şexsîyetê ey ê azad de menda."

 

'Vînayîşê Serekî seba ma zaf bi mana bi'

 

Maqbûlaye va: "300 kesî ra tewr zêde, cayê cîya ra ameyî ke Rayber Apo bivînê. Ma bi kêfweşîyêke pîl kewtî serê rayîrî ke ma Serekê xo bivînê. Çimê ma hemine rayîrê ameyîşê Serekî de bi. Xeylê qiseykerdişê derheqê kar û xebatan de kerd. Dimayê Serekî ra kesêke bîn wişt serê lingan û hîrê saetan qisey kerd. Seba ma zaf baş derbaz bi. Vînayîşê Serekî seba ma zaf bi mana bi."

 

'Ez wazena Serek azad bibo'

 

Meqbûlaye qiseykerdişê xo wina qedêna: "Dimayê werdiş û antişê fotografan, pêvînayîşê ma yê bi Serekî dir peynî bi. Mi qet bawer nêkerdêne ke do waştişê mi seba pêvînayîşê Serekê mi bi ca bêro. Coka zaf kêfweş a. Ez wazena Serek azad bibo. O rayberêke aştîwaştox o. Coka o nika mîyanê şarî de bibayne. O wext Serek Akademîya Lubnanî de bi. Wexto ke mi ey dî ez zaf bi kelecan bîya. Ez zaf binê tesîrê şexsîyetê ey ê azad de menda."