DÊRSIM - Walîtîya Dêrsimî bi mehneya çalakîyê ke seba piştîdayîşê çalakîya Leyla Guvena ke grevê vêşanîye de ya yenî viraştene, heme çalakîyanê ke bêrî viraştene heta 5 rojan qedexe kerde. 

 

Seba Hemsereka Kongreya Komela Demokratîke (KCD) û Parlemenetera Partîya Demokratîke ya Şaran (HDP) ya Colemêrgî Leyla Guvena ke roja 99. de çalakîya xo domnena xeylê cayanê cîya-cîyayan de çalakîyê piştîdayîşî virazîyenî.

 

Parlementerê HDPyî zî seba piştîdayîşî bi siloganê ‘Roja 100. De Ver Bi Leyla ra, Ma Do Tecrîd Bişiknî’ ber bi Amedî rayîrşîyayîşêk birazenî. Walîtîya Dêrsimî seba 5 rojan qedexeyê çalakîyan ard. Goreyê qerarê Walîtî heme kombîyayîş, îzehet û çalakîyê roniştişî ke mabenê tarîxê 13-18î de pê bêrî, qedexeyî.