Sorgul Şêxo

 

HESEKÊ  - Cinîya bi nameyê Fehîma Cemîle derheqê cuya dewe û kulturê kanî de va: "Cuya dewan kultur gane verdana. Ma pîya hewl bidê û kulturê xo bipawê."

 

Fehîma Cemîla 45 serrî ya û dayîka 4 kêna û lajan a û Dewa Rugubayê Tiltemirî yê Kantonê Hesekî de cuyena têkilîyê cuya dewe û kulturo kan de wina va: "Dewan de cuyêka tebîî esta û na cuye zî bena sebeb ke ma kulturê xo, xo vîr ra nêkerê. Coka ma gerek her wext cuya dewan gane verdê."

 

'Ganî ma kede cinîyan bivînê'

 

Fehîmaye wina va: "Dewe de cuyêka zaf weş esta. Tîya destar, hawan, cirne û çî bîn ê kanî estê. Wexto ke merdim çîyêke bi destê xo virznenê, tehmêke cîya dano merdim. Cuya dewan bîya sebebê averşîyayîşê deyîrvajîyayîşî. Eynî wextî de rolê dayîkan zî tîya de zaf girîng o. Dayîkê ke emrê înan pîl ê mana û rindkerdişê cuya dewe tewr gane kerdê. Ganî ma kede cinîyan bivînê."

 

'Cuya dewan kultur gane verdena'

 

Fehîmaye tewr peyîn wina va: "Her çiqas hacetê newe vejîyê zî, seba pawitişê kulturî ez zaf rey hacetê kan xebitnena. Bi keda dayîkan xeylê çî ameyî awankerdiş. Ez zî hewl dana ke wayîrê na kede vejîyî. Ma nanê bajar zî wenê la nanê tenûre tehmêke cîya dano merdimî. Coka ez nanê tenûre ra zaf hes kena. Cuya dewan kultur gane verdena. Ma pîya hewl bidê û kulturê xo bipawê. Dewan de cuyêka tebîî esta û wina ma kulturê xo, xo vîr ra nêkenê. Coka ma her wext cuya dewan gane verdê."