ŞIRNEX - Koyê Cudî ke bi tarîx û nameyê xo mîyanê şarî de sey ‘keleya xoverdayîşî' yeno nasnayîş, çar mewsîm pîya cuyeno. Koyo ke qilê ci vewre û  qeraxê ci vaş zergûn bîyo, bi seyan metrekare warê bi sebebê 'mintiqayê asayîşî yê taybet' şarî rê ameyo padayîş.

 

Koyê Cudî ke her her çar hetê Botanê dorpêç kerdo 4 mewsîm pîya ci de yeno cuyayene. Koyê Cudî bi berzî û xozaya xo heme qezayan ra yeno dîyayene û dîmenê ci merdimî mat verdeno. Vewra serê qilê ci hêdî hêdî heliyena û vaşê qeraxê ci zî bi zergûnbîyayîş mizginîya wisarî dano.

 

Dîmenê ci merdimî heyran verdeno

 

Koyê Cudî ke bi dîmenê xo welatîyê bajarwanan rê şolenê dîyayîşî dano cuyayene û her het ra ewnîyeno, bi rêzeke derg heta Besta şino. Qilê koyî de baxçeyê fêkî û fistiqan esto, qeraxê ci de zî bi desan dewî estê. Mintiqaya ke bi çimeyê awe zaf dewlemend a, ne hamnanî û ne zî zimistanî problemê awe nêcuyena.

 

4 mewsîm yeno cuyayene

 

Na xozaya bêhempa, her hamnanî bi sebebê ‘operasyon esto' yena bombardumankerdene. Seba mintiqaya asayîşê taybetî ya zî kes nêeşkeno şêro. Cudî de xeylê leşker, qorîcî û qereqol estê. Nikan şiwanî zî nêeşkenê şêrê. No semed ra weşikbîyayîşê bi heybet ê Cudî nêameyo kifşkerdiş û weşikbîyayîşê ci nêvejîyeno meydan.