STENBOL - Parlamenterê HDPyijî Meydanê Taksîmî de vera tecrîdî rayşîyayîş organîze kerd. Polîsan meydan kerd binê ablulqa û rayşîyayîşê  parlamenteran asteng kerd.

 

Wekîlê Partîya Demokratîke ya Şaran (HDP) seba piştdayîşê çalakîya Hemsereka KCDî û Parlamentera HDP Leyla Guvene 96 rojî yo ke vera tecrîdkerdişê Rayberê PKKî Abdullah Ocalanî grevê vêşanî de ya, Meydanê Taksîm ra heta Meydanê Galatasarayî rayşîyayîş bikerê. Verê rayşîyayîşî bi seyan polîsan Meydanê Taksîmî kerdî binê abluqa. Xeylê wesayîtê zirxî bica kerdê.

 

Eynî wextî de xeylê kuçeyê vejîyê Kuçeyê Îstîklalî zî bi wesayît û polîsan ameyê padayîş.

 

Hemserekê Pêroyî yê HDPyî Pervîn Buldan û Sezaî Temell zî jî mîyan de wekîlê HDPyî verê Otela Hîle ya Taskîmî de kom bî. Wekîlan dest bi rayşîyayîş kerd, la polîsan înan asteng kerd. Munaqeşe mabêne wekîl û polîsan de dewam keno.

 

Wezîrê Karê Zereyî Suleyman Soylu vizîr Enqere de kombîyayîşêke de wekîlê HDPijan tehdîd kerdib û fermanê astengkerdişê rayşîyayîşî dabi.