Rûken Goman 

 

DÊRIK - Cinîya Koçere bi nameyê Stîyê Mustefa bi serran o ke bi keda destanê xo kilîman virznena û vana ke heta emrê aye bibo, aye do fek viraştişê kilîman vera nêdo.

 

Cinîya Koçere bi nameyê Stîyê Mustefaya 40 serrî û Dewa Girzîro ê Dêrikê Rojawanî ra ya, derheqê viraştişê kilîman ê bi keda destan arde ziwan ke aye wina pawitişê kulturê xo kena û va: "Pawitişê kulturî pawitişê nasnameyê merdiman o. Seba ke no kultur vindî nêbo, ez do her wext bidî cuyayîş."

 

'Mi odayêke seba xebata xo cîya kerde'

 

Stîyê da zanayîş ke wexto ke aye bi keda destê xo kilîman virznena zaf kêfweş bena û va: "Mi seba xo odayêke cîya kerde û ez karê xo uca de kena. Wexto ke ez domane bîya, ez dayîka xo ra musaya viraştişê kilîman bîya. Seba ke no kultur nika kêm bîyo, wazena ci rê wayîr vejîyê û dewam bikerî."

 

'Pawitişê kulturî pawitişê nasnameyê merdiman o'

 

Stîyê bale ante ser girîngîyê keda destan û wina va: "No karêkezehmet o, ci rê sebir lazim o. Keda destan girîng a. Cinîyê Kurdan bi keda destê xo cu awan kenê. Pawitişê kulturê, pawitişê nasnameyê merdiman o. Seba ke no kultur vindî nêbo ez do her wext bidî cuyayîş."