Rojda seydxan

 

QAMIŞLO - Kulturê deqan ke seba cinîyan sey nîşaneyê rindî yê bi serran o ke dewam keno yo. Kurdistan de zî bi taybet cinîyan kulturê deqî serê lingan de verda yo. Cinîya bi nameyê Zekîya Ebdulkerîma ke rêçe deqan serê rîyê aye de estê wina va: "Kulturê deqî bi serran o dewam keno. Bi manayê cîya de cinîyan deq ganê xo de viraştê."

 

Kulturê deqan bi serran o ke dewam keno. Destpêk de seba rindî, peynî zî serê manayê cîya kulturê deqan aver şîyo. Tay komelan de seba pawitişê nêweşîyan ameyo viraştiş, hîn komelan de zî sey nîşaneyê feqîrî ameyo viraştiş. Kurdistan de zî cinîyê Kurdan kulturê deqî her wext gane verdayê. Her çiqas nika kêm bibo zî reyna zî kulturê deqî dewam de yo. Cinîya bi nameyê Zekîya Ebdulkerîme Qamişlo de manena a ke bi dizdî rîyê xo viraşta wina va: "Ma bi dizdî deq r,yê xo de viraştêne. Wexto ke keyeyê mi musayne mi dir heridîyayene."

 

'Ameyne vatiş ke goreyê dînê Îslamî deq gune yo' 

 

Zekîyaye wina va: "Mi zî serê rî û destan ê xo de deq viraştê. Wexto ke ma qij bî ma çermê xo bi derzenî gonî kerdêne. Dima ra şitê mayê kêneyan û tenîya adirî ma kerdêne têmîyan û ma cayê ke gonî uca ra arda, dayne ser. Pîyê mi wexto ke musa mi deq viraştê, mi ra heridîya. Dima ra parçeyêke şekiro tirş da mi ke ê deqî ci ra derbaz bê. Heto bîn ra vatêneke goreyê dînê îslamî deq gune yo. Coka ma çewres rojî nimaj kerdêne ke guneyê ma efû bibê."

 

'Kulturê deqî bi serran o dewam keno' 

 

Zekiyaye tewr peyîn wina va: "Kulturê deqî bi serran o dewam keno. Her ca de bi manayê cîya cinîyan deq ganê xo de viraşto. Ma bi dizdî deq rîyê xo de viraştêne. Wexto ke keyeyê ma musayne ma ra heridîyayine."