STENBOL- Wekîla verên a HDPyî Selma Irmaka ke Zindanê Tîpa Fyî yê Kandira de ya û semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye yê bêdem-bêagêrayîşî de ya bi ajansê ma dir mesajêk erşawite û va: “Bi wedarnayîşê tecrîdî do rayîrê ma roşna bibo.”

 

Wekîla verên ya Partîya Demokratîke ya Şaran (HDP) Selma Irmake dimayê çalakîya grevê hemsereka Kongreya Komela Demokratîke (KCD) û parlamentera HDPyî ya Colemêrge Leyla Guvena ke seba wedaritişê tecrîdê girankerdeyî yê serê Rayberê Şarê Kurdî Abdullah Ocalanî dayebî destpêkerdene, 12ê Çele de tewrê grevî bîbî. Selmaye seba grevê vêşanîye yo ke rayberîya Leylaye de dest pêkerdibi rê ajansê ma ser mesajêk erşawite.

 

*Çalakîyê grevê vêşanî ya bi rayberîya Leyla Guvene bi amancê şiknayîşê serê Rayberê PKKî Abdullah Ocalanî bêro wedartiş, ameyê destpêkerdiş estê. Îqtîdar bêvengîyê xo paweno. Şima nê prosesî senîn şîrove kenê?

 

Tirkîya de krîzêke cidî ê rejîmî yeno cuyayayîş. Nê rojan ke teda serê komelî ame meşnayîş, ters ameyne awankerdiş, faşîzm ameyne averşîyayîş de Leyla Guvene, hewrê bêçareyî vila kerde û dest bi xoverdayîşî kerde. Çim hemleyêke vernê ewnîyeno, nîşaneyê vernê ewnîyeno. Gelo sîstemê tewr xirab wina nêrijîyayê? Belê her wext îhtîmalêke bîn zî esto. Grevê vêşanî roja 80in pey xo de verda. Cinî her wext, her kesî ra tewr zêde şer, şîdet û faşîzm ra zirar vînenê. Coka tesaduf nîyo ke cinî nê xoverdayîşê tarîxî rê rayberî kena. No semed ra tecrîdê serê Birêz Ocalanî manayêke komelî hewêneno. Seba nê hewldayîşê seba wedartişê Birêz Ocalan yeno dayîş zî baş bêro famkerdiş. Destpêkê ameyoxêke hizur û demokratîk û eynî wextî de peynîye ci zî Îmralî de yo. Hepisxaneyan de nika nêzdîyê 300 hepsî çalakîya grevê vêşanî dewam kenê û waştişê hempar pîl kenê û no zaf bi mana û girîng o. La ganî komel de zî nê dir xoverdayîş girs bibo.

 

*Do îqtîdar cewab bi do na çalakî? ya zî do kam ci sewîya de cewab bido?

 

Ez bawer kena ke prosesê weçînayîşî de caardişê çalakîyêke wina bi qerar, seba komel tercîhêke demokratîk bikero do rayîr ramojno. Hêvî û bawerîya mi esta ke çalakîya ke bi rayberîya Birêze Leyla Guvene dest pêkerda de moralê ma berz o, bi coş û qerardarî ma do ser bikewê. Ma qerardar ê, ma do ser bikewê. Zîndanê ke xoverrodayîşî dest pêkerdo û bîyo xurt, bi prosesêkê neweyî xoverrodayîş do defêna girdêr bibo.