Vesîle Yuksele 2017an de seba parekerdişê xo yê serê medyaya komelî bi sebebê "propagandayê rêxistine kerda" tepişnayî û dimayê ke vetî dadgehe ci ra persê "PKK rêxistinêke terorîst o ya nê?" kerdî aye zî cewaba "terorîst nîyo" da û amî tewqîfkerdene. Vesîleye dimayê ke amî tepiştiş 1 yew serre û 10 aşmî cezaya zîndanî dayî ci. Vesîle dimayê ke cezaya aye amî tesdîqkerdiş bi kêna xo ya 3 serrî Arîn Mîrkane û kêna xo ya 5 serrî kewte zîndan. Vesîle her çiqas ke 15ê çele de cazaya aye bi peynî bî seba tehqîqatê ke derheqê aye de ameyî akerdiş nîna tahlîyekerdene.

 

Derheqê aye de di tehqîqat ameyî akerdiş!

 

Vesîleya ke seba tehqîqatêke derheqê aye de ameyî akerdiş 8 ceza ci rê ameya birnayîş û dewayêke aye zî dewam kena ame dîyarkerdiş ke do heta aşma temmuze zîndan de bimana. Heto bîn ra zî ame vatene ke wesîle aşmêke zî cezaya neqilgirewtişî girewta û kêna aye Arîn Mîrkane ke aye dir yena tepiştiş zî rojê vîyarte de rojbîyayîşê xo yê 5in zîndan de pêşwazî kerde.

 

Avesta ke seba ke xemgîn a werd nêwana!

 

Vesîle dimayê ke cezaya aye amî tesdîqkerdiş aye zîndanê Mêrdîn ra eşrawitî Zîndanê Tîpê M yê Bayburtî. Domanê Vesîle rewşa aye ra tesîr bî. Avesta ke seba kewte 7 serrî ya xo û goreyê prosedurî ke ganî şêro "wendegeh" dayîk û waye xo ra amî visnayîş û eşrawitî verê pîyê aye. Avesta seba ke maye û waye xo ra ameya visnayîş her çiqas ageyraya keyeyê xo zî her roje waye û maye xo pers kena û nêwazena ke şêro wendegeh. Ame dîyarkerdiş ke seba hewteyêke cezaya neqlkerdişî Wesîle rê ameyo birnayîş Avesta nêeşkena bi maya xo dir pêvînayîş bikero û her wext persê ez çira nêeşkena maya xo dir pêvînayîş bikerê."