COLEMÊRG - Partîya Demokratîke ya Şaran (HDP) namzedê 12 bajaran û bi desan qezayan eşkera kerde. Namzedê HDPyî ê merkez û qezayê Colemêrgî zî eşkerê bî. Têkilîyê weçînayîşî de namzeda HDPî ya Şemzînanî Felem Ekere şîrove kerde. Feleme dîyar kerde ke do Şemzînan destê qayûman ra vejê û nasnameyê kurdî reyke bîn zî Şemzînan gane bikerê.

 

Tirkîya de 31ê Adare de 57 mîlyon û  93 hezar 985 kes şêrê serê sindoqan. Verê nêzdîbîyayîşê weçînayîşê namzedê partîyan ê mintiqan zî ameyê eşkerakerdiş. Partîya Demokratîke ya Şaran (HDP) 3 bajarê pîl zî tede, namzedê 12 bajar û bi desan qezayê înan ê Vakurê Kurdistanî eşkera kerdî. Têkilîyê weçînayîşî de namzeda HDPî ya qezaya Şemzînanî Felem Ekere şîrove kerde. Feleme arde ziwan ke ê do Şemzînanî destê qayûman vejê û va ke ê do nasnameyê cinî û kurd reyke bîn zî Şemzînan gane bikerê.

 

2005 ra heta nika mîyanê xebata cinîyan de ca gêna 

 

Feleme serra 2005an ra heta nika mîyanê xebata cinîyan de ca gêna û Şemzînan de vera hişmendîyê ke vana 'Cinî nêeşkena' bi tena serê xo xo ver bido. Feleme wina va: "Ez serra 2005an ra heta nika mîyanê xebatê cinîyan de ca gêna. Ez serra 2009an de şaredarîya seba endamîya meclîsî ameya weçînayîş. Serra 2011an de operasyonê KCKî dest pêkerd û ez di serran surgun bîya. Dimayê prosesê muzakereyî ez ameya Şemzînanî. Ez bi 2 serrî hemserîkaya HDPî ya Şemzînanî kena. Ez seba hemşeradarîya sey namzed ameya weçînayîş.

 

'Şar do 31 Adare wayîrê ziwanê xo, nasnameyê xo û îradeyê xo vejîyo'

 

Feleme da zanayîş ke Şemzînan qezayêke zaf feodal o û va do weçînayîş de cinîyan bikerê wayîrê qerarî û wina va: "Şemzînan de polîtikayê 90an hema dewam kenê. Verê qayûman serrê 90an qeza de kewtî faîlîyet. Serê cinîyan, ciwanan zaf hêriş estê. Seba nê zî ma nê weçînayîşî sey referandum girîng vînenê. Şaredarî kerdê qereqol. Şar nêeşkeno biko şaredarî. Şar gama ke keweno şaredarî GBT ra derbaz beno. Ma na bawerîye de yê ke, ma do 31ê Adare bi serkewtişêke pîl şaredarîyanê xo qezenc bikerê û serkewte bibê. Şar do 31ê Adare de wayîrê ziwanê xo, nasnameyê xo û îradeyê xo vejîyo. Ez veng dana heme şarê kurd ke, 31 Adare de şêrê sindoqan ser û wayîrê şaredarîyan vejîyê."