Beraa El-Elî

 

REQA - Cinîya bi nameyê Ayîşa Ebd El-Hemîde ke Reqa de bi keda destê xo zaf tewirê cilan viraznena û seba karê ke kena zaf kêfweş a. Ayîşaye wina vana: "Domanî ra ez karê bi destan viraştişê cilan kena. Nika xeylê kesî cilê ke ez viraznena danê xo ra û kêfweş benê. Wexto ke ez vînena ê kêfweş benê, ez zî kêfweş bena."

 

Dimayê ke Reqa ame xelisnayîş ra dima cinîyê Reqayî her tewir xo aver berdî û xo eşkenê îfade bikerê. Warê karê huner û destan de zî cinîyê Reqayî xo aver benê û yewbînan ra feyz bigîrê. Cinîya bi nameyê Ayîşa Ebd El-Hemîda 29 serrî û Reqa de cuyena wina va: "Huner bi keda destê cinîyan tewr weş beno. Ez wazena heme cinî xo her het ra aver berê. Çunke cinî wexto ke xo aver benê, wina komel zî aver şino."

 

'Ez karê hunerî ra zaf hes kena û fek ci ra vera nêdana'

 

Ayîşaye da zanayîş ke aye zaf mamosteya xo ya karê hunerî ra hes kerda û wina va: "Mi zaf mamosteya xo ya karê hunerî ra hes kerdêne. Ez binê tesîrê aye de menda. Maya mi zî bi karê hunerê destan ra eleqedar bîne. Eynî wextî de ez binê tesîrê maya xo de zî menda. Ez bere, qazax, atqî, puncan, papik, yelegan viraznena. Ez tena seba xo ney, seba embaz û cîrananê xo zî viraznena. Ê zî wina kêfweş benê. Nika ez zewicnaye ya û domanê mi estê. Ez eynî wextî de berpirsiyarîyê keyeyê xo bi ca ana. Karê mi wina zehmet beno la reyna zî xo ver dana. Ez karê hunerî ra zaf hes kena û fek ci ra vera nêdana."

 

'Huner bi keda destê cinîyan tewr weş beno'

 

Ayîşaye qiseykerdişê xo wina qedêna: "Ez xeylê rengan xebitnena. Coka karê ke ez kena tewr weş beno. Domanîye ra ez karê bi destan, cilan kena. Nika xeylê kesî cilanê ke ez viraznena danê xo ra. Wexto ke ez vînena kêfweş bena. Huner bi keda destê cinîyan tewr baş beno. Ez wazena heme cinî xo her tewir aver berê. Çunke wina komel zî aver şino."