MERKEZÊ XEBERAN - Cinîyê ke rastê  hêrişê asayîşê PDKî ameyî çalakîya xo dewam kenê.

Cinîyê ke verê Temsîlkarîyê Neteweyê Yewbîyaye (NY) ê Hewlêrî, bi destûrê temsîlkarîyê NYî, vera tecrîdê Rayberê PKKî Abdulah Ocalanî ser o dest bi çalakîya grevê vêşanîye kerdibî, şewe bîn rastê hêrişê asayîşê PDKî ameyîbî û çadirê înan, înan ra ameybî girewtiş. La cinîyan pêwa serdî çalakîya xo dewam kerdî.

 

Meclîsê Îştarî Wargehê Penabaran ê Şehîd Rûstem Cûdî (Mexmûr) 30ê çeleyê 2018an de muracatê NY yê Hewlêrî kerdî û dîyar kerdî ke ê do seba wedartişê tecrîdo girankerde yê serê Rayberê PKKî Abdullah Ocalanî, verê awanîya temsîlkarîyê grevê vêşanîye bidê destpêkerdiş û çadiran ronê. Dimayê ke temsîlkarî zî destûr da, cinîyan verê awanî de çadir dayî ro û çalakîya xo dayî destpêkerdiş.

 

Dimayê 24 saetan, 31ê çele de asayîşê girêdayê PDKî hêrişê çalakwanan kerdî û heme çadiranê înan wedarnayî û dest dayî serê çîyê çalakîkeran.

 

Serê hêrişê çalakîkerê cinîyan zî, cinîyan dest bi çalakîya protestoyî kerdî û vatî ke do peyser game nêerzê.

 

Cinîyê ke bê çadiran mendî, pêwa serdê zimistanî zî heta serê siba çalakîya xo dewam kerdî.