STENBOL - Hemsereka HDPî ya Stenbolî Esengul Demîre seba mîtîngê 3ê Sibate ke Warê Azadîye ê Bakirkoyî do bêro kerdene veng da û wina va: "Mîtîng hetê babeta ke bibo vengê hêzê demokratîk û hetê komelî ke binê abluqayêke pîl de yê, zaf girîng o."

 

HDPyî Stenbolî bi amancê bale bianco grevê vêşanîye ya Hemsereka KCD û Parlamentera HDPyî ya Colemêrgî Leyla Guvene 3ê Sibate de Warê Azadîye ê Bakirkoyî yê Stenbolî do mitîngêke viraznê. Hemsereka HDPî ya Stenbolî Esengul Demîre, seba beşdarbîyayîşê mitîngî veng da şarê Stenbol.

 

'Ganî ma qerarbîyayîşê xo nîşan bidê'

 

Esengule arde ziwan ke mîtîngê Stenbolî de waştişê kedkar, hêzê demokratîk, ciwan û cinîyan bîyarê ziwan û wina va: "Ma hedef kenê ke heme hêzê demokrasî û rêxistinan berê warê Azadîye. Ma hedef kenê ke qerarbîyayîşê meşnayîşê têkoşîn û waştişê kesê ke ameyê grev ramojnê. Mîtîng prosesê ke vengê muxalefetî yeno birnayîş de, tewr girîng o. Vera çalakîyan astengîyêke pîl û teda esta. Warê kede de vindîbîyayîşê heqan ê cidî estê. Vera waştişê kedkaran dêsî ameyî munayîş."

 

'Ma seferberîyêke xebate da destpêkerdiş'

 

Esengule da zanayîş ke bi aşmêke mîyanê xebatêke de yê û bi komîteyê tertîpî rê muracatê qanûnî yê mîtîngî kerdî û dima ra zî dest xebatan kerdê, bi seferberîyêke pîl xebate meşnayê.

 

Esengule tewr peyîn qiseykerdişê xo de vengdayîşê beşdarbîyayîşê mîtîngî kerde û wina va: "Bi amancê piştdayîşê seba embazanê ma yê hepisxane de yê bedenê xo dayê verê mergî, ma heme şarê xo 3ê Sibate de saete 13.00an de dawetê Warê Azadiye ê Bakirkoyî kenê."