Rûken Goman  

 

QAMIŞLO - Cinîyê Dêrikijî derheqê hêrişê dewleta tirkan ke Başûr û Rojawan ser de ame kerdene nêrazîbîyayîşê xo ardî ziwan û vatî: "Ganî îşxalkerdiş û faşîzm bi peynî bibo. Ma do bi zerrîyake yew faşîzm berê."

 

Tehdîd û hêrişê dewleta tirkan ê serê Rojawan û Başûrê Kurdistanî dewam keno. Derheqê babete de cinîyê Dêrikî yê Qamişloyî ewnîyayîşê xo ardî ziwan û vatî: "Hêrişê dewleta tirkan ê tewr peyîn yê serê Şêledizî û serewedaritişê şarî vera îşxalkerdiş, ganî hetê heme kurdan bêro vînayîş. Na babêtêke girîng a. Ganî ma bêveng nêmanê. Binê yewîye de têkoşînê vera faşîzmî û îşxalkerdiş dewam bikero."

 

'Ganî her çar parçeyê Kurdistanî bibo yew'

 

Sîwam Dawide arde ziwan ke tarîxê Şarê Kurd de wayîrvejîyayîşê dewa xo de vejîyayê vernî û wina va: "Vera hêrişê dewleta tirkan warê mîyanneteweyî û sazgeh û rêxistinê heqê merdiman ganî bêveng nêmanê. Hêzê hegemonîk ke tena seba berjewendîyê xo têbigeyrê, ganî êdî rayîrê înan bêro birnayîş. Serê keda şaran de waştî ke îşxalkerdişêke mende bêro awankerdiş. Ganî vera nê her çar parçeyê Kurdistanî bibo yew û xo ver bidê. Ganî vengê şarê Kurd ê Başûr binê sîya berjewendîyê kesan de nêrê verdayîş."

 

'Îşxalkerdiş do mîyanê rîpelê tarîxî yê sîya de bêro vindîkerdiş'

 

Hedîya Abdullahe zî wina va: "Vera hêriş îşxalkerdişê dewleta tirkan hêzêke hempar lazim o. Nika Başûrê Kurdistanî de xeylê cepheyê dewleta tirkan estê û her roje serê Başûr de dewleta tirkan bombeyan varnena. Vera îşxalkerdişê dewleta tirkan ganî vindertişêke hempar bêro ramojnayîş. Ganî îşxalkerdiş û faşîzm bi peynî bibo. Ma do bi zerrîyêka yew zorê faşîzmî berê."

 

Hedîyeye tewr peyîn wina va: "Hêrişê dewleta tirkan tewr peyîn serê Şêledizî û serewedaritişê şarî vera îşxalkerdişî, ganî hetê heme kurdan bêro vînayîş. Na babetêke girîng a. Ganî ma bêveng nêmanê. Binê banê yewîye de têkoşînê vera faşîzmî û îşxalkerdişî de dewam bikero."