AMED / ÊLÎH - Amed û Êlîh de çalakîyê paştîdayîşê grevê vêşanîye ameyî viraştene. Amed de Meclîsê Ciwanan ê HDP’yî û Êlîh de zî parlamenteranê HDP’yî bi çalakîyanê vengvetişî paştî da çalakwananê girevê vêşanîye.

 

Semedê paştîdayîşê grevê vêşanîye yo ke rayberîya hemsereka KCD’yî û parlamentera HDP’yî Leyla Guvene de semedê wedartişê tecrîdê serê Rayberê Şarê Kurdî Abdullah Ocalanî ame destpêkerdene, Amed û Êlîh de çalakî ameyî viraştene. Amed de rayberîya endamanê Meclîsê Ciwanan ê HDP’yî de Kayapinar de rayraşîyayîşêk ame viraştene. Polîsan mudaxaleyê ciwanan kerd û ciwano bi nameyê Şîrin Aslan destbend kerd.

 

Feleknas Uca û Ayşe Acar Başaran zî tede bî

 

Êlîh de zî parlamenteranê HDP’yî Ayşe Acar Başarane û Feleknaz Uca  bi fotografanê Leyla Guvene  çalakîya vengvetişî viraşte. Hemwelatijî zî tewrê rayraşîyayîşî bîyî û paştî da ci.