Tolîn Mihemed

 

ŞEHBA - Derheqê hewldayîşê dewleta tirkan seba mintiqaya asayîşî de cinîyê Efrînijan dîyar kerdî ke vera heme hêrişan ê her wext mîyanê têkoşîn de yê û wina va: "Erdogan dişminê Kurdan o, tu wext dişminê merdiman nêbeno dost. Ma vera hêriş û tehdîdê Erdoganî her wext xo ver danê. Ma teslîm nêbenê."

 

Cinîyan derheqê hêriş, tehdîd û hewldayîşê dewleta tirkan seba mintiqaya asayîşê Efrînî ewnîyayîşê xo ardî ziwan û vatî: "Wexto ke  Erdogan û hemkarê xo hêriş nêkerê do xora Sûrîye de hizur virazyo. Ê ke hêrişê hizur û asayîşê Sûrîye kenê dewleta tirkan û hemkarê aye yê."

 

'Serkewtiş û têkoşîn her wext ê ma yê' 

 

Melek Eloşe wina va: "Ma Erdogan û çeteyê ey qebûl nêkenê. Ê ke xoza qetil kenê ê yê. Pêwa heme îmkanê kêm ma do xoverdayîşê xo yê vera îşxalkerdoxan dewam bikerê. Serkewtiş û têkoşîn her wext ê ma yê."

 

'Ma do vera zîhnîyetê îşxalkerdoxan her wext xo ver bidê'

 

Sultanê Şûkrîye zî wina va: "Ma hêriş, teda û hewldayîşê seba mintiqaya asayîşî qebul nêkenê. No tena seba berjewendîyê dewleta tirkan û çeteyê aye rê xizmet keno. Tîya herra ma ya. Tu heqê kesî çin o ke herra ma îşxal bikero. Ma do vera zihnîyetê îşxalkerdoxan her wext xo ver bidê."

 

'Ma teslîm nêbenê'

 

Gulê Abudullahe zî wina va: "Wa îşxalkerdoxî herra ma ser vejîyê. Herra ma bi gonîya şehîdanê ma ameya awdayîş. Erdogan dişminê Kurdan o û qetî dişminê merdiman nêbenê dost. Ma do vera hêriş û tehdîdê Erdoganî xo ver bidê. Ma teslîm nêbenê. Wexto ke Erdogan û hemmkarê xo hêriş nêkerê xora hizurê Sûrîye do virazyo. Ê ke hêrişê hizur û asayîşê Sûrîye kenê dewleta tirk û hemkarê aye yê."