ŞIRNEX - Şaredarîya Şirnex û qezayanê aye de dimayê ke qayûm ame tayînkerdene, merkezê cinîyan ameyî feskerdiş û bi 3 serrî yo şaredarî derheqê cinîyan de xêrcê qursê nexş-deştiş û xalîyan çîyêke bîn nêmeşna.

 

Dimayê ke qayûm tayînê şaredarîyanê DBPî bi ra dima polîtîkayê cinîyan ame feskerdene ya zî mudirê camêrd ameyî tayînkerdene. Şaredarîyê Şirnexî de bi 3 serrî yo nameyê cinîyan derbaz nêbeno.

 

Cinîyê ke beşdarê hîn qursê şaredarî bîne, binê nameyê ‘xebata cinîyan’ de qursê Kur’an, nexş-deştiş û xalîyan dayê. Peynî de zî xebatê cîyabîyayîş û hişmendî ameyî dayîş.

 

Qayûm tayînê cayê qayûman zî kerdî

 

Şaredarîya Cizîrî ke qayûm zî tayînê cayê qayûm kerdî, vera Mudirîyê Polîtîkayê cinîyan Wekîliyê Mudirîyê Xizmetê Keye û Cinîyan ame akerdene û vernê de mudirî rê camêrdî ameyî tayînkerdene. Mudirîyî de qalema taybet de cinîyêke esta û seba Mudirîyê polîtîkayê cinîyan zî mudirê Karê Kultur û Komelî Cuneyt Munîst ame tayînkerdiş. Qayûmî xebatkarê cinîyan ê Merkezê Cinî yê Sitîye Zîn kar ra vetî, serra vîyarte beşêke keyeyê şînî sey ‘merkezê kulturê Cinîyan ê Nur’ kerd falîyet. 

 

Hîrê serrî yo eynî qurs yeno dayene

 

Wir di sazgehî zî şaredarî ra girêdaye seba cinîyan qursê wendiş û nuştişî, kilîm, hunerê destan û Kuran yenê dayene. Derheqê xebatê verê de tu çîyêke nêverdayî û qursê ke nika yenê dayene zî bî sebebê reaksîyonê 'cinî û domanê ke zewacî rê amade kenê'.

 

Şaredarîya Sîlopî de zî mudirê polîtîkayê cinîyan Sereka Baskê Cinîyan ê AKPî Gonul Urgene amî tayînkerdiş. Cizîr de zî cinîyê ke yenê merkezê qursan dersê nexş û deştiş vînenê û hûmara cinîyan her ke şina kêm bena.

 

Hezex de zî dimayê ke qayûm ame xêrcê viraştişê rayîrî tu xebat nîno meşnayîş.

 

Qilaban de zî vera Mudirîyê Polîtîkayê Cinîyan, Mudirîyê Zewicnayîşî bale anceno.