Hesna Mihemed

 

ŞEHBA - Şoreş Gelo Şehbayî bi viraştişê kefîyan hem kulturê xo dewam kena, hem zî debara xo kena. Şoreşe derheqê viraştişê kefîyan de wina va: "Ez zaf karê xemilnayîşê kefîyan hez kena. No kulturêke kan o û ez hewl dana ke nê kulturî rê wayîr vejîyê."

 

Şoreş Geloye ke seba hêrişê dewleta tirkan û komê girêdayê ci Şehba de bi ca bîya û nika bi viraştiş û xemilnayîşê kefîyan wextê xo derbaz kena û debara xo kena. Şoreşe wina va: "Bi viraştiş û xemilnayîşê kefîyan lazimîyê mi kesêke rê nêmano. Ez wina serê linganê xo de vindena û debara xo kena. Hêvîya mi a ya ke heme cinî serê linganê xo de bimanê."

 

'Pêwa şertê zor û zehmetan ez viraştişê kêfîyan dewam kena'

 

Şoreşe wina va: "Pêwa şertê zor û zehmetan ez viraştişê kefîyan dewam kena. Mi bi îmkanê kêm dikanêke qij akerde. Destpêk de mi zaf zehmetî ant. La pêwa zor û zehmetîyan ez hewl dana ke bi keda destan kulturê xo dewam bikerî. Bi murayê reng û rengîn ez kefîyan viraznena. Kêna mi zî hetkarîya mi kena. Ciwanî zaf nê kefîyan ra hes kenê."

 

Şoreşe qiseykerdişê xo wina qedêna: "Wexto ke ma seba hêrişê dewleta tirkî Efrîn ra koç bî û Şehba de bi ca bî ma zaf zehmetî ant. Amancê dewleta tirkan û çeteyê ci o bi ke kulturê kurdan û deskewtişê kurdan çin bikerê. La çi beno wa bibo ma do her wext seba kulturê xo têkoşînê xo dewam bikerê. Ez zaf karê xemilnayîşî kefîyan hes kena. No kulturê ke kan o û ez hewl dana ke no kulturî rê wayîr vejîyî. Bi viraştiş û xemilnayîşê kefîyan lazimîyê mi kesî ra nêmano. Ez wina serê linganê xo de vindena û debara xo kena. Hêvîya mi a ya ke heme cinî serê linganê xo de vinderê."