Hîkmet Tunç

 

WAN - Pispora Weykerdişî Gulîstan Tîreke ke problemê xo yê weşîye bi wayîrbîyayîşêke baş û rast xilas bî wina va: "Xidayê ke ma wenê rayîr danê cuya ma. Sebebê sereyîn ê nêweşîyan xidayê ke ma wenê yê. Çîyêke tebîî nêmendo."

 

Gulîstan Tîreke ke wextêke derg hemverê problemê weşîye û psîkolojî têkoşîn dayî dima bîya pisporê weykerdişê bale ancena serê weykerdişê rast.

 

Gulîstane dîyar kerde ke ramitişê dermanê zîraî zêde yenê xebitnayîş û wina va: "Her cayê cuye de dermanê zîraî estê. Ez sektorê xida de xebityena. Ez nê eşkera vajî. Çîyêke tebîî nêmendo. Çayê nebatî zî hîn madeyan kenê ci. Merdim dima ra vîneno ke na çaye çiqas zirar dana bedenê merdiman.

 

Xidayan rê baldar bê

 

Gulîstane da zanayîş ke werdê amade û paketkerdeyî sey Fast Food yenê binamekerdiş, kalorîyê înan zêde yê û wina va: "Nê xidayan de madeyê kanserojen tewr zêde yê. Nê xidayan ra dûr vinderê. Qetî rayîrêke cuya bi weşî weşîye esta. Gerek ma werdê ke wenê ci ra baldar bê. Problemê weşîye yenê cuyayîş. Raste rast bi werdê ma dir eleqedar o. Eynî wextî de xida rayîr dano cuya ma."